Okuti Pahe Ndyipondola?
Okuti Pahe Ndyipondola Okuivisa na Vakuetu vo Mewaneno?
Opo ukale omuivisi . . .
Una okulilongesa Ombimbiliya apeho, nokulikuambela, nokuenda komaliongiyo aeho.
Una okuhumba unene etyi uli nokulilongesa, ohande-vo okutyipopila vakwenyi.
Una okuhumba Siovaa Huku, okala nomapanga ana nao emuhole-vo.
Kupondola vali nii okuvalulilwa kongeleya naike oo hamwe o kotyipuka tyimwe tyayemba kopulitika.
Kupondola okulinga ovipuka Siovaa ailika mo Mbimbiliya. Tyokukala Ombangi tyina umwe okukala komutima.
Ine tyina ulitala ñgaa ngoti pahe upondola okukala omuivisi, tyipopila omulongesi wove uli nokukulongesa Ombimbiliya. Ngwe meketyipopila ovakulu vewaneno mulivase navo mutomphole, vatale ine upondola umwe okulinga omuivisi.
Okuti Pahe Ndyipondola Okumbatisalwa?
Opo umbatisalwe . . .
Una okukala omuivisi.
Una okulikuatesila wivise apeho, okutalela ku etyi muene uvila okulinga.
Una okulinga atyiho “omupika omukuatyili nokualunguka” apopia. — Mateusi 24:45-47.
Una okulipakula ku Siovaa. Tyokulingila Siovaa apeho, tyina umwe okukala komutima.
Ine tyina ulitala ñgaa ngoti pahe upondola okumbatisalwa, tyipopila omulongesi wove uli nokukulongesa Ombimbiliya. Ngwe meketyipopila ovakulu vewaneno mulivase navo mutomphole, vatale ine upondola umwe okumbatisalwa.