Onombongo
Omokonda yatyi okuhumba unene ombongo hatyiwa-ko?
Tala vali pokwati: “Okuliovolela Omalumono”
Oityi Ombimbiliya ipopia tyilekesa umwe nawa okuti okukala nonombongo pala okutekula ombunga yetu katyapengele?
Omp 7:12; 10:19; Ef 4:28; 2Te 3:10; 1Ti 5:8, 18
Lilongesila kovanthu vapopiwa m’Ombimbiliya:
Ehi 31:38-42 — Sakoo waundapelele unene heivi Lambau opo etyivile okutekula ombunga yae. Namphila Sakoo ankho avakwa vala na Lambau, mahi Siovaa emuyambe.
Lu 19:12, 13, 15-23 — Sesusi wapopia onthengele-popia imwe ilekesa okuti pomuvo wae ovanthu ankho valinga umwe ononiñgoso.
Oityi Ombimbiliya ipopia tyayemba kokulevala nokulevalesa?
Omokonda yatyi hatyiwa-ko okukalela vala okulevala?
Lilongesila kovanthu vapopiwa m’Ombimbiliya:
Ne 5:2-8 — Ova Isilayeli vamwe pononthiki Mbomutumini Neemiya, ankho valinga onya vana vevelevala.
Mt 18:23-25 — Sesusi wapopia onthengele-popia imwe, opo etulongese okuti omunthu wahafete onongele ulietela.
Oityi tuna okulinga tyina nkhele twehenelevalese omunthu umwe, tyilinge Ombangi ya Siovaa, tyilinge ou wehe Mbangi, tyilinge ombunga yetu?
Lilongesila kovanthu vapopiwa m’Ombimbiliya:
Ehi 23:14-20 — Etyi Sala anyima pahe Ambalayau ankho uhanda okumupaka, alande ohika mahi otyo pena ovanthu vakalele onombangi. Walingile umwe nawa mokonda kapamonekele nawike wemuyayesile.
Sel 32:9-12 — Etyi Selemiya alanda ohika komona wa tate yae yomukulu, wafetele umwe onombongo mbatyo, ahoneka omukanda eupake otyilimbo otyo onombangi vatala.