Watchtower OMBIMBILIYOTEKA
Omutala Womulavi
OMBIMBILIYOTEKA ONLNE
Nyaneka
  • OMBIMBILIYA
  • OMIKANDA
  • OMALIONGIYO
  • w12 7/1 p. 9
  • “Omuenyo Wahapu Oyou”

Naike ovindiu iyeemba ku otyo

Tala mukwe pena etyi tyahaendele movindiu

  • “Omuenyo Wahapu Oyou”
  • Omutala Womulavi Wivisa Ouhamba Wa Jeova—2012
Omutala Womulavi Wivisa Ouhamba Wa Jeova—2012
w12 7/1 p. 9

“Omuenyo Wahapu Oyou”

“Omuenyo wahapu oyou, okunoñgonoka ove awike Huku yotyotyili, na Jesus Kristu una watumine.”—JOÃO 17:3.

ENOÑGONOKO lipondola okuyovola omuenyo. Etyi Nouhou wonohanyi ekwi avela, me yae ankho uundapa mosipitali ko Níger, ankho wii etyi ena okulinga. Wataindya omeva asukuka, apakemo omongwa, nosuka emunuisi. Ngetyi tyapopia o UNICEF, mokonda “wetyilinga liwa, nokuaya liwa kosipitali, omona wae waveluka liwa.”

Enoñgonoko Liombimbiliya tupu lipondola okuyovola omuenyo wovanthu. Moisesi omuhoneki wotete Wombimbiliya wati: “Onondaka ombu, mbakolela unene pala onwe, ombo omuenyo wenyi. Inkha mutavela onondaka ombu, mamukakala nomuenyo omule.” (Deuteronômio 32:47) Omonkhalelo patyi Ombimbiliya itukuatesako okukala nomuenyo omule? Oñgeni oyo omuenyo wetu?

Ononthele ononthano mbotete, mbetulekesa okuti Ombimbiliya omukanda welikalela, konthele yomaulo ayumbwa onthumbi, nomahipululo otyotyili, nokuafwapo konthele younongo wouye, nokuelikuata kumwe, nokuava ehongolelo ewa. Otyo tyilekesa okuti Ombimbiliya yelikalela. Moluotyo, hatyiwa okuitala nawa, tyina ipopia konthele yomuenyo wahapu?

Tukuavela ondundo ulilongese oñgeni enoñgonoko Liombimbiliya lipondola okukuetela ombembwa pahe, nehambu komutwe. Onombangi mba Jeova mavakala nehambu liokukukuatesako okuvasa enoñgonoko olio.

[Okakasa/​Oliolutalatu pefo 9]

Tupu Ombimbiliya yelikalela mokonda oyo vala ikumbulula nawa omapulo aa akolela:

• Tukahiko mokonda yatyi?

• Oityi kuakalela ononkhumbi ononyingi?

• Okuti vetu vokuankhia vena ekevelelo?

Upondola okuvasa omakumbululo Ombimbiliya momukanda ou, walingwa no Nombangi mba Jeova. Oityi Ombimbiliya Tyili Ilongesa?

    Nyaneka Publications (1998-2026)
    Lupukamo
    Nyingila
    • Nyaneka
    • Tuma
    • Likoyela
    • Copyright © 2025 Watch Tower Bible and Tract Society of Pennsylvania
    • Etyi Tyilingwa Pokunyingilamo
    • Etyi Munyingilwa
    • Etyi Tyilingwa Pokunyingilamo
    • JW.ORG
    • Nyingila
    Okutuma