Okuti Omuti Watyokua Upondola Okuyova Vali?

KO LÍBANO kuna omuti umwe omunene womundyambi, una omii viaya kohi, okuutala ngoti kauhuvisa. Mahi omuti oo womundyambi kaukukuta namphila ukahi pohika pakukuta unene. Ukalako omanima ena 1.000. Omii viomundyambi vienda unene kohi, iya omuti oo upondola okuyova inkha utyokuapo. Mokonda omii viao vienda unene kohi, kavikukuta iya auyovo vali.

Omulume wekolelo Job ankho una unthumbi yokuti inkha unkhia, makala vali nomuenyo. (Jó 14:13-15) Job wapopia ongeleka yomuti, tyafuile omundyambi, opo alekese okuti una onthumbi yokuti Huku una epondolo liokumututilisa. Job wati: “Alo umwe omuti una ekevelelo. Inkha utyokuapo, uyova vali.” Tyina ombila yamaloko otyihingi tyomundyambi tyipondola okuyova vali, atyikala “nonompha ngomuti omupe.”—Jó 14:7-9.

Ngomulimi uhanda okutala omuti womundyambi watyokeluepo pahe auyovo vali, Jeova Huku uhanda okututilisa ovaumbili vae novanthu ovakuavo vali. (Mateus 22:31, 32; João 5:28, 29; Atos 24:15) Soka oñgeni matyiketuhambukiswa okutala nokuliepesa vokuankhia pahe vena vali omuenyo!