Eishomo 12

Okuha Amagara n’Eshagama Ekitiinisa

Amagara tugareebe tuta? (1) okwihamu enda? (1)

Abakristaayo niberinda bata za butandu? (2)

Ni kibi kwiita enyamaishwa? (3)

Ni bikorwa ki ebimwe ebitari kwooreka kuta ekitiinisa omu magara? (4) Ekiragiro kya Ruhanga aha shagama, nikyo kiiha? (5)

Nikitwariramu okuheebwa eshagama? (6)

1. Yehova nuwe Enshuro y’amagara. Ebihuriire byoona Ruhanga nuwe yabihaire amagara. (Zaaburi 36:9) Amagara nigeera ahari Ruhanga. N’amagara g’omwaana otakazairwe, ari omunda ya nyina, n’ag’omuhendo ahari Yehova. Okwiita omwaana nk’ogwo okigyendereire ni kibi omu maisho ga Ruhanga.—Okuruga 21:22, 23; Zaaburi 127:3.

2. Abakristaayo ab’amazima niberinda za butandu. Nibahamiza kimwe ngu za motoka n’amaka gaabo tibyabaasa kurugirirwaho za butandu. (Eky’Ebiragiro 22:8) Abaheereza ba Ruhanga tibari kuta amagara gaabo omu kabi, ahabw’okwenda ngu beshemeze bweshemeza. Nahabwekyo tibari kwejwanzya mu mizaano y’obwiitsi eri kugyenderera kuhutaaza abandi. Nibetantara eby’okweshemeza ebiri kushendashenda obwiitsi.—Zaaburi 11:5; Yohaana 13:35.

3. N’amagara g’enyamaishwa nigeera aha Muhangi. Omukristaayo nabaasa kwiita enyamaishwa ahabw’okutunga eby’okurya n’ebijwaro nari okwerinda endwaara n’akabi. (Okutandika 3:21; 9:3; Okuruga 21:28) Kwonka tikihikire kutwaaza kubi enyamaishwa nari kuziita ahabw’omuzaano buzaano nari okweshemeza.—Enfumu 12:10.

4. Okureetsa etaabe, okufutana betel nut, n’okwejunisa emibazi endiijo eri kusinza ahabw’okweshemeza tibiri kukorwa Bakristaayo. Ebikorwa ebi tibihikire ahabw’okuba (1) nibituhindura abahuuku baabyo, (2) nibishiisha emibiri yaitu, (3) tibishemeire. (Abarooma 6:19; 12:1; 2 Abakorinso 7:1) Nikibaasa kuguma munonga okucwa emize egi. Kwonka nituragirwa kukikora tubaase kushemeza Yehova.

5. Eshagama nayo neeyera omu maisho ga Ruhanga. Ruhanga naagira ngu omwoyo nari amagara biri omu shagama. Tikihikire kurya eshagama. Kandi tikihikire kurya enyama y’enyamaishwa etaihirwemu gye shagama. Enyamaishwa ku yakunigwa nari yafeera omu mutego, teshemereire kuriibwa. Ku yakucumitwa nari yateerwa eisasi eshemereire kwihwamu aho naaho eshagama yaaba eri ey’okuriibwa.—Okutandika 9:3, 4; Abaleevi 17:13, 14; Ebyakozirwe 15:28, 29.

6. Ni kibi kwikiriza kuteibwamu eshagama? Ijuka ngu Yehova natwenza okwetantarira kimwe eshagama. Eki nikimanyisa ngu, titushemereire kuta eshagama y’abantu abandi, omu mibiri yaitu omu muringo gwoona, n’obu yakuba eshagama yaitu aha bwaitu eri kuba ebiikirwe. (Ebyakozirwe 21:25) Nahabw’ekyo Abakristaayo ab’amazima tibari kwiija kwikiriza kuteibwamu eshagama. Nibaija kwikiriza emiringo endiijo, ey’obujanjabi, katugire nk’okuheebwa ebyo ebitarimu shagama. Nibenda babe abahuriire, baitu tibari kwiija kugyezaho kukiza amagara gaabo obwo bari kuhenda ebiragiro bya Ruhanga.—Matayo 16:25.

[Ebishushani ebiri aha rupapura 25]

Okushemeza Ruhanga, nituragirwa kwerinda okuteibwamu eshagama, emicwe etashemeire, n’okuta amagara gaitu omu kabi