Okweijutsya Eby’Eishomero ry’Obuheereza

Ebibuuzo ebiri ahaifo nibiija kugarukwamu omu Ishomero ry’Obuheereza ery’esaabiiti eraatandike Okitoba 27, 2008. Orikwebembera eishomero naija kukoresa edakiika 30 okuraba omu byayegirwe kuruga Sebutemba 1 kuhika Okitoba 27, 2008.

EMIRINGO MIRUNGI EY’OKUGAMBAMU

1. Nitubaasa kumanya tuta ahabw’enki abantu abandi nibaikiriza nk’oku barikwikiriza? [be rup. 259 kacw. 1, 2]

2. Nitubaasa kuhwera tuta omuntu kweihamu rwango erikumureetera kushoroora omu bantu? [be rup. 260 kacw. 2]

3. Nitubaasa kuhwera tuta abeegi baitu kushwijuma emitima yaabo n’ekigyendererwa ky’okwongyera kuhamya omukago gwabo na Yehova? [be rup. 261 kacw. 3]

4. Tushemereire kuguma nitwijuka ki twaba nituteeraho kuhika aha mitima y’abatuhurikiize? [be rup. 262 kacw. 5]

5. Ahabw’enki tushemereire kukwata obwire twaba nituha embazo omu nteerane z’ekibiina? [be rup. 263 kacw. 1, 3, akabokisi]

ORUBAZO NA. 1

6. N’enki ekyareeteire Paulo kuhandiikira Abakorinso ebaruha y’okubanza? [si rup. 210 kacw. 3]

7. Ni nshonga ki ezimwe ezaareetaire Paulo kuhandiikira Abakorinso ebaruha ya kabiri? [si rup. 214 kacw. 1-2]

8. Abakristaayo bashemereire kutwara bata okubuurira? [si rup. 216-217 kacw. 18]

9. Itwe omu bunaku obu nk’ab’eishe-emwe b’omuri Filipi nitubaasa kusiimwa tuta Ruhanga kandi tukaba okushemererwa kw’ab’eishe-emwe bagyenzi baitu? [si rup. 225 kacw. 12]

10. Ni birungi ki ebi Paulo na bagyenzi be baakoreire ab’eishe-emwe b’omu kibiina kya Tesalonika? [si rup. 231 kacw. 13]

OKUSHOMA BAIBULI OKWA BURI SAABIITI

11. Ni kimanyisa ki okuhayo omusiisi ‘ahari Sitaane kuhwerekyerera omu mubiri, kugira ngu omwoyo gugumeho’? (1 Kor. 5:5) [w08 7/15 “Ekigambo kya Yehova Kiine Amagara​—Ebikuru Kuruga omu Baruha Ezaahandikiirwe Abakorinso”]

12. Ni mu muringo ki ogu rukundo erikukira okwikiriza na n’amatsiko? (1 Kor.13:13) [w08 7/15 “Ekigambo kya Yehova Kiine Amagara​—Ebikuru Kuruga omu Baruha Ezaahandikiirwe Abakorinso”]

13. Nikworekwa ki okurikugambwaho omu 2 Abakorinso 12:2-4, kandi nooha owaayorekirwe? [w04 10/15 rup. 8 kacw. 4; rup. 10 kacw. 9]

14. Ahabw’enki Paulo yaagyeragyeraniise Ebiragiro ebyahairwe Musa ‘n’omwegyesa w’okuhitsya ahari Kristo’? (Gal. 3:24) [w08 3/1 18-21]

15. Paulo akaba namanyisa ki obu yaashabira ab’eishe-emwe ati, “emyoyo yaanyu n’amagara gaanyu n’emibiri yaanyu birindwe gye”? (1 Tes. 5:23) [w08 9/15 “Ekigambo kya Yehova Kiine Amagara​—Ebikuru Kuruga omu Mabaruha Agaahandikiirwe Abatesalonika na Timoseo”]