Omurimo Ogurikureeta Okushemererwa Kwingi
1. Ni murimo ki ogw’okutambira abantu omu by’omwoyo ogurikukorwa omu bunaku obu
1 Omu kyasha ky’okubanza, abo abaareebire abaatambiirwe bakashemererwa munonga. (Luk. 5:24-26) Omu bunaku obu, nitushemererwa kwejumba omu murimo ogw’okutambira abantu omu by’omwoyo. (Kush. 22:1, 2, 17) Ka nikishemeza okushoma aha by’okureeberaho ebirikworeka oku Ekigambo kya Yehova n’omwoyo gwe gurikwera bihwereire abantu kuhindura aha micwe n’emitwarize yaabo! Kwonka ekirikutureetera okushemererwa kwingi n’okwejumba omu murimo ogwo turikwegyesa abeegi ba Baibuli abarikutunguuka omu by’omwoyo.
2. Niki ekirikubaasa kutureetera kushemererwa twaba nitwegyesa omuntu amazima
2 Eiziina rya Ruhanga ni riiha Ahabw’enki Ruhanga naareka okubonabona kukabaho Obukama bwa Ruhanga nibwija kukorera ki abantu Nitushemererwa ahabw’okugarukamu ebibuuzo nk’ebyo n’okureeba okushemererwa oku abeegi barikugira ahabw’okwega amazima. (Enf. 15:23; Luk. 24:32.) Omwegi ku arikweyongyera kutunguuka omu by’omwoyo, naabaasa kutandika kukoresa eiziina rya Yehova, ahindure aha njwara n’endeebeka ye, arekye ebikorwa bibi kandi atandikye kubuurira abandi. Yaahika aha kwehayo n’okubatizibwa, naaba ow’eishe-emwe kandi omubuurizi mugyenzi waitu. Okutunguuka okwo nikutureetera okushemererwa.—1 Tes. 2:19, 20.
3. Nitubaasa kukora ki okubaasa kutandika kwegyesa omuntu Baibuli
3 Noobaasa Kugwejumbamu Waaba nooyenda kwejumba omu murimo ogu ogurikureeta okushemererwa kwingi, shaba Yehova kukuhwera kutandika kwegyesa omuntu Baibuli, kandi okore ebirikuhikaana n’okushaba kwawe. (1 Yoh. 5:14) Buurira ahu orikubaasa kushanga abantu n’obu orikubaasa kubashangayo. Obutoosha shaba abantu kubeegyesa Baibuli kyaba nikibaasika. (Mub. 11:6) Waashanga omuntu orikwenda kwega amazima okabiba embibo y’amazima, oine kugarukayo kugiitirira.—1 Kor.3:6-9.
4. Ahabw’enki tushemereire kufayo munonga kushaba abantu kubeegyesa Baibuli
4 Hakiriho abantu baingi abarikwenda kumanya ebirikukwata ahari Yehova. N’oha orikwija kubahwera kumanya ebirikukwata ahari Yehova arikubeegyesa Baibuli (Mat. 5:3, 6) Ka tweheyo twekundiire kuhwera omu murimo gw’okubuurira n’okuhindura abantu abeegi eishaaruura ritakahendeire.—Isa. :8.