Baibuli Neeshoboorora Aha Mukazi w’Omutima

Enfumu eshuura 31 erimu ebigambo by’Omugabe Lemueli ebi yaayegire ahari nyina. Obuhabuzi burungi obu nyina yaamuhaire bukamuhwera kwetegyereza eki aine kureeba aha mukazi ow’omutima.

Omukazi w’omutima naayesigwa

31:10-12

• Naaha obuhabuzi aha bikwatiraine n’okucwamu aha by’okukora omu ka kwonka aguma arikworoba

• Iba naamwesiga aha bi arikucwamu n’obwengye, atarikuremera ahari buri nshonga arikwenda ngu iba agikirize

Omukazi w’omutima n’omweziriki

31:13-27

• Naamanya kukora ebintu n’obwegyendesereza kandi n’omucureezi ahabw’okuba naayenda ngu ab’eka ye bajware gye, barebeke gye, kandi bagire n’eby’okurya birikumara

• Naakora munonga kandi arinda eka yaabo nyomushana n’ekiro

Omukazi w’omutima naaba akuzire omu by’omwoyo

31:30

• Naatiina Ruhanga kandi naayombeka omukago murungi nawe