Tebeekanisa Omutima Gwawe

Twaba nitweyegyesa Baibuli, nitwenda ngu ebi turikwega ebirikukwata ahari Yehova bituhikye aha mutima. Ezera akatuteeraho eky’okureeberaho kirungi omu nshonga egyo, ‘akaba [atebeekanisa] omutima gwe kwega ebiragiro bya’ Yehova. (Ezr. 7:10) Nitubaasa kumutooreza tuta?

Shaba. Buri kweyegyesa tandika n’okushaba. Shaba Yehova kukuhwera kwetegyereza, n’okugyendera aha bi waayega.—Zab. 119:​18, 34.

Ba omucureezi. Yehova naashereka amazima abanyamaryo abarikwesiga obwengye bwabo. (Luk. 10:21) Yetantare kukora okucondooza ahabw’okwenda kushemeza abandi. Ba omucureezi ohindure emiteekateekyere yaawe yaaba etarikuhikaana n’eya Ruhanga.

Teeraho kuhurikiza ekyeshongoro ky’Obukama. Ebyeshongoro biine amaani g’okutebeekanisa emitima yaitu turikuza kuramya. Okuhurikiza ekyeshongoro ky’Obukama waaba nooza kutandika nikikuhwera kutebeekanisa omutima gwawe.