Haramagedoni shi Neija Kutandikira Omuri Israeli?—Baibuli Neegamba Ki?

Baibuli terikugira ngu Haramagedoni n’orutaro oruraabeho omu kicweka kimwe eky’ensi, kureka neegira ngu n’orw’ensi yoona oruraabeho aha gati ya gavumenti z’abantu na Ruhanga.

• ‘Emyoyo ya baadaimoni erikuza oku n’oku omu bagabe b’ensi zoona, neija kubateeranira hamwe kuza omu rugamba orw’ekiro kikuru kya Ruhanga ow’obushoboorozi bwona. Neija kubateeranira omu mwanya ogurikwetwa Haramagedoni omu Ruheburaayo.’—Okushuuruurwa 16:14, 16.

Ekigambo “Haramagedoni” nikiruga omu kigambo ky’Oruheburaayo Har Meghid·dohnʹ, ekirikumanyisa “Orushozi rwa Megido.” Megido rukaba ruri orurembo omuri Israeli eya ira. Ahabw’enshonga egi, abamwe nibateekateeka ngu orutaro rwa Haramagedoni nirwija kurwanirwa omuri Israeli. Kwonka, omuri Megido nari ogundi mwanya omuri Asia, ‘abagabe b’ensi yoona’ tibarikubaasa kuhikamu n’amahe gaabo.

Ekitabo ky’Okushuuruurwa kikahandiikwa omu muringo ‘gw’obumanyiso.’ (Okushuuruurwa 1:1) Haramagedoni tikirikumanyisa omwanya bwanya, beitu n’embeera y’ensi yoona obu amahanga goona garaayerundaane omurundi ogw’aha muheru, kurwanisa obutegyeki bwa Ruhanga.—Okushuuruurwa 19:11-16, 19-21.