Eishomo 16

Okucwamu Kwaawe Kuheereza Ruhanga

Noragirwa kukora ki okuhinduka munywaani wa Ruhanga? (1, 2)

Noyehayo ota ahari Ruhanga? (1)

Okabatiziibwe ryaari? (2)

Nobaasa ota kugira amaani kuguma ori omwesigwa ahari Ruhanga? (3)

1. Okuhinduka munywaani wa Ruhanga noragirwa kumanya gye amazima ga Baiburi (1 Timoseo 2:3, 4), okwikiririza omu by’oyegire (Abaheburaayo 11:6), okweteisa ebibi byaawe (Ebyakozirwe 17:30, 31), hamwe n’okuhinduka kuruga omu muhanda gw’amagara g’obaire orimu. (Ebyakozirwe 3:19) Obwo okukunda ku oine ahari Ruhanga kukakureteire okumweheereza. Eki nikimanyisa ngu, ori kurabira omu kushaba okwaawe aha bwaawe, ori wenka, n’omumanyisa ku omweheereire kimwe kukora ebi ari kwenda.—Matayo 16:24; 22:37.

2. Waheza kwehayo ahari Ruhanga oshemereire kubatizibwa. (Matayo 28:19, 20) Okubatizibwa nikyoreka ibara muntu ku wayeheereza Yehova. Nahabw’ekyo okubatizibwa n’okwa abo bonka abaakuzire kubaasa kwecweeramu kuheereza Ruhanga. Omuntu yaaba nabatizibwa omubiri gwe gwoona gwiine kwibikwa omu maizi kumara akanya kakye.a—Mako 1:9, 10; Ebyakozirwe 8:36.

3. Bwanyima y’okwehayo, Yehova akwinemu amatsiko kuhikiiriza okuraganisa kwaawe. (Zaaburi 50:14; Omubuurizi 5:4, 5) Omuregi naija kugyezaho kukuzibira okuheereza Yehova. (1 Petero 5:8) Kwonka yehisye Ruhanga omu kushaba. (Abafiripi 4:6, 7) Yega Ekigambo kye ibara izooba. (Zaaburi 1:1-3) Hamira aha kibiina. (Abaheburaayo 13:17) Omu kukora ebi byoona noija kugira amaani okuguma ori omwesigwa ahari Ruhanga. Omu muringo ogu noija kubaasa ebiro n’ebiro kukora ebi Ruhanga ari kukwenza!

[Obugambo obw’Ahansi]