Okumariirira

Eki Yesu Yaakozire

VIDIYO: Yesu Okwegyesa Nikodemu

1. Reeba VIDIYO, nari shoma Yohaana 3:1, 2. Bwanyima oyetegyereze ebibuuzo ebirikukurataho:

1. Niki ekirikubaasa kuba kyareeteire Nikodemu kutaayaayira Yesu nyekiro?​—Reeba Yohaana 12:42, 43.

2. Yesu okwikiriza kugaaniira na Nikodemu nyekiro, kikooreka kita ngu amaririire kuhindura abantu abeegi?

Nitwegyera ki Ahari Yesu?

2. Nitworeka ngu nitukunda abantu turikumariirira kubahwera kuba abeegi ba Yesu.

Tooreza Yesu

3. Omwegi wa Baibuli mwegyeseze omu mwanya n’obwire ebirikumubaasikira. Naabaasa kuba aine eizooba n’obwire omu saabiiti ebi arikwenda kwegyeramu. Nikimworobera shi kwegyera aha murimo, omu ka ye, nari omu mwanya gw’orweteeraine? Hindura entebeekanisa yaawe nk’oku kirikubaasika kuhikaana n’embeera ze.

4. Mwegyese obutoosha. Waaba nooza kuba otariho, otashazamu okwega. Kureka, teekateeka ahari eki:

1. Noobaasa kwegyesa omwegi omu bwire obundi saabiiti egyo?

2. Noobaasa kumwegyeseza aha simu nari murikuhurizanira aha vidiyo?

3. Noobaasa kushaba omubuurizi ondiijo kumwegyesa?

5. Shaba kugira emiteekateekyere mirungi. Shaba Yehova kuguma omaririire kuhamira aha muntu ou orikwegyesa Baibuli, n’obu yaakuba naagumirwa kwega butoosha nari kugyendera aha buhabuzi bwa Baibuli. (Fil. 2:13) Shana obundi omwegi ogwo aine emitwarize mirungi, n’ahabw’ekyo shaba Yehova kukuhwera kuta omutima aha mitwarize egyo.