Zimwe aha Nyanjura

Okutandika Kwegyesa Abantu Baibuli aha Rwamukaaga Orurikubanza Omuri Jenwari

“Abantu abamwe nibaikiriza ngu Baibuli erimu obunabi oburikwesigwa. Abandi nibagira ngu ebi erikuragaanisa tibirikwesigwa kandi ngu nibibaasa kushoboororwa omu miringo mingi etarikushushana. Iwe ekyo nookigambaho ki? Tegyereza agarukyemu reero omuhe Watchtower eya Jenwari 1. Mushome kandi muhikaanise ebiteekateeko hamwe aha biri ahansi y’omutwe omukye ogurikubanza aha rupapura 16. Mushome hamwe ekyahandiikirwe kimwe aha byorekirwe. Muhe zaamagaziini kandi okore entebeekanisa kugarukayo mukahikaanisa ebiteekateeko aha kibuuzo ekindi.”

The Watchtower Jenwari 1

“Abashaija n’abakazi aba ira nitubaasa kubeegaho ebintu bingi. Iwe ekyo nokiikiriza? [Tegyereza agarukyemu.] Ekyahandiikirwe eki nikigamba aha mushaija omwe wenka orikugambwaho omu Baibuli nka “munywani wa Ruhanga.” [Shoma Yakobo 2:23.] Magaziini egi neeyoreka ahabw’enki Ruhanga yaayetsire Abrahamu munywani we n’eki turikubaasa kwega ahari Abrahamu.”

Awake! Jenwari

“Ebituga, enguzi n’ebikorwa by’obutari bwesigwa ebindi bikanyire munonga omu by’obushuubuzi. Abamwe nibagira ngu ebikorwa by’obutari bwesigwa ebimwe nibyetengyesa eby’obushuubuzi kubaasa kutunguuka. Iwe ekyo nookigambaho ki? [Tegyereza agarukyemu.] Yetegyereze ebigambo ebi. [Shoma Enfumu 20:17.] Magaziini egi neeyoreka ahabw’enki kiri eky’obwengye kuba abeesigwa.”