Zimwe aha Nyanjura

Okutandika Kwegyesa Abantu Baibuli aha Rwamukaaga Orurikubanza Omuri Sebutemba

“Twaba nitugaaniira n’abantu aha buhabuzi oburikubaasa kuhwera abashweraine kugira obushwere burungi. Iwe nooteekateeka ni nshonga ki enkuru erikuremesa abashweraine kugira okushemererwa?” [Tegyereza agarukyemu.] Mworekye ebiri enyima ya Watchtower eya Sebutemba 1, reero muhikaanise ebiteekateeko aha biri ahansi y’ekibuuzo ky’okubanza, mushome n’ekyahandiikirwe nka kimwe aha byorekirwe. Muhe na Awake! kandi otebeekanise kugarukayo mugarukyemu ekibuuzo ekindi.

Omunaara gw’Omurinzi Sebutemba 1

“Baingi nibebuuza ahabw’enki Ruhanga arekireho okubonabona. Naiwe orakyebuurizeho? [Tegyereza agarukyemu.] Baibuli neeraganisa ngu nihaija kubaho obunaku obu okucura n’obusaasi biriba bitakiriho. [Shoma Okushuuruurwa 21:4.] Magaziini egi neegamba aha nshonga itaano enkuru ahabw’enki hariho okubonabona kwingi. Kandi neeyoreka eki Baibuli erikugamba aha ku Ruhanga araije kumaraho okubonabona.”

Awake! Sebutemba

“Twaba nitugamba n’abantu ebirikukwata aha kiro kikuru ekirikumanywa nka—Halloween. Abamwe tibarikukikuza, ahabw’okuraburwa oku okuri omu Baibuli. [Shoma Abaleevi 19:31.] Abantu abamwe tibarikwikiririza mu myoyo y’abafu, n’ahabw’ekyo ekiro kikuru ekyo nibakireeba nk’eky’okweshemeza kitaine kibi. Iwe ekiro kikuru eki nookiteekateekaho ki? [Tegyereza agarukyemu.] Magaziini egi neeyoreka ngu Halloween aine obukomooko bubi.”