Noija Kukoresa ota Obwire bw’Ebiro Bikuru?

Ahabw’okugira ngu abantu baingi nibaba bari omu maka gaabo omu bwire bw’ebiro bikuru eby’amadiini hamwe n’eby’eihanga, obu nibuba buri obwire burungi bw’okukoresa kwejumba omu kubuurira. Ebibiina nibihigwa kukora entebeekanisa ez’omutaano kubaasa kubuurira omu bwire bw’ebiro bikuru. Baingi omu kicweka eki turikubuuriramu nibaba nibaimuka obwire bwagyenzire, n’ahabw’ekyo nikiba kiri kirungi kukora empindahinduka omu bwire bw’oruteerane rw’okwetebeekanisa kuza omu kubuurira. Ekirango ky’okumanyisa ab’eishe-emwe entebeekanisa ez’omutaano ez’okubuurira omu bwire bw’ebiro bikuru n’okuhiga boona abarikubaasa kukwejumbamu nikibaasa kubaho omu Ruteerane rw’Obuheereza. N’amazima ngu obwire bw’ebiro bikuru ebi nitubaasa kubukoresa kuhuumura nari kukora ebindi ebiturikwenda. Ahabw’enki otarikugira obwire obu waakoresa omu kubuurira? Obwo nibwo oraije kutunga okushemererwa okurikuruga omu kwejumba omu kubuurira.​—Mat. 11:29, 30.