Yoreka Amaani g’Ekigambo kya Ruhanga Waaba Noobuurira

Omuntu yaatwikiriza kumubuurira, nitukoresa gye omugisha ogu kworeka amaani g’ekigambo kya Ruhanga, tumushomera ebyahandiikirwe omu Baibuli. Tukahigwa kukora eki aha ruteerane orw’ekiro kimwe omwaka oguhweire. Ow’eishe-emwe orikutaayaayira ebibiina akaha orubazo orwine omutwe “Yoreka Amaani g’Ekigambo kya Ruhanga Waaba Noobuurira.” Noijuka enshonga enkuru ezaabaire ziri omu rubazo orwo?

• Ahabw’enki ekigambo kya Yehova kiine amaani agarikukira ebigambo byaitu?—2 Tim. 3:16, 17.

• Baibuli neekwata eta aha nyehurira, ekahindura emiteekateekyere, ekacaaka ebigyendererwa, kandi ekahindura n’emicwe y’abantu?—Reeba Watchtower, eya Gyun. 15, 2012, rup. 27, kacw. 7.

• Ku turikushomera omuntu ekyahandiikirwe omu kubuurira, nitubaasa kukoresa tuta kigambo kya Ruhanga omu muringo oguraakihaise ekitiinisa?—Reeba ebiri omu kitabo Ministry School, rup. 148, kacw. 3-4 na Obuheereza Bwaitu obw’Obukama aka Maaci 2013, rup. 6, kacw. 8.

• Ahabw’enki kiri kikuru kushoboorora enshonga, tukahikaanisa ebiteekateeko aha byahandiikirwe ebi turikushoma, kandi ekyo nitubaasa kukikora tuta?—Byak. 17:2, 3; reeba ekitabo Ministry School, rup. 154, kacw. 4 kuhika aha rup. 156, kacw. 5.