Yehova Naaza Kuteekateeka Ki?

Tutakacwiremu aha nshonga empango nari enkye, nitubaasa kwebuza ekibuuzo eki: ‘Yehova naaza kuteekateeka ki?’ N’obu turaabe tutarikubaasa kumanya byona ebi Yehova arikuteekateeka, naatumanyisa ebirikwetengyesa omu Kigambo kye kutubaasisa kukora “omurimo gwona omurungi.” (2Tim 3:16, 17; Rom 11:33, 34) Yesu akabaasa kumanya gye ebi Yehova arikukunda kandi nibyo yaateireho omutima. (Yoh 4:34) Turikutooreza Yesu, ka tuteereho kukora okucwamu okurikushemeza Yehova.​—Yoh 8:28, 29; Efe 5:15-17.

MUREEBE VIDIYO GUMA NOOTEERAHO KUMANYA EBI YEHOVA ARIKWENDA (LEV 19:18), REERO MUGARUKYEMU EBIBUUZO EBI:

• Ahabw’enki twine kugyendera aha misingye ya Baibuli?

• Ni misingye ki eya Baibuli erikubaasa kutuhwera twaba nitucwamu ebyeshongoro ebi turaahurikize?

• Ni misingye ki eya Baibuli erikubaasa kutuhwera twaba nitucwamu eby’okujwara n’okweboneza?

• Ni mu mbeera ki ezindi obu twine kugyendera aha misingye ya Baibuli?

• Nitubaasa kwongyera tuta kumanya ebi Yehova arikwenda ngu tukore?