Nooza Kukora ki omu Mwaka gw’Omushana Mwingi?

Okwikiriza n’okwesiga Yehova biine akakwate. Nk’eky’okureeberaho, okwikiririza omuri Yehova nikituhwera kugira obwesigye ngu Yehova naaza kuturinda kandi atureeberere. (Zab 23:1, 4; 78:22) Obu turiyo nitwirira haihi n’emperu y’obusingye obu, nitumanya ngu Sitaane naaza kwongyera kututaahirira. (Kush 12:12) Niki ekiraatuhwere?

MUREEBE VIDIYO NOOZA KUKORA KI OMU MWAKA GW’OMUSHANA MWINGI? BWANYIMA MUGARUKYEMU EBIBUUZO EBI:

1. Ni mu muringo ki oku turi “nk’omuti” ogurikugambwaho omuri Yeremia 17:8?

2. ‘Omushana gw’ekyanda’ nigubaasa kwija mu muringo ki gumwe?

3. ‘Omuti’ nigukwatwaho guta, kandi ahabw’enki?

4. Sitaane naayenda kukora ki?

5. Turi nk’abantu abamanyiraire kugyendera omu nyonyi mu muringo ki?

6. Ahabw’enki twine kugumizamu nitwesiga omwambari omwesigwa, kandi obwesigye bwaitu nibuza kugyezibwa buta?

7. Ahabw’enki twine kugumizamu nitwesiga emisingye y’omu Baibuli n’obu abantu omu nsi baakutugaya?