Ekigambo kya Ruhanga Nookitwara Nk’eky’omuhendo?

Baibuli erimu ebiteekateeko n’ebigambo bya Yehova Ruhanga, Owaahandiikiise ekitabo eki ekirikwera. (2Pet 1:20, 21) Turikuhamya ngu Ruhanga niwe ahikire kutegyeka byona kurabira omu Bukama bwe, ebiri omu Baibuli nibiha abantu boona amatsiko aha biro by’omumaisho ebirungi. Baibuli neeyoreka ngu Tataitwe ow’omu iguru Yehova aine rukundo.​—Zab 86:15.

Buri omwe ahariitwe naatwara Ekigambo kya Yehova nk’eky’omuhendo ahabw’enshonga zitarikushushana. Nitworeka ngu nitutwara ekiconco eki nk’eky’omuhendo turikukishoma buri izooba kandi tukakigyenderaho butoosha? Ebikorwa byaitu ka byorekye ngu twine enyehurira nk’ez’omuhandiiki wa Zaaburi owaagizire ati: “Eshi nkunda ebiragiro byawe!”​—Zab 119:97.

MUREEBE VIDIYO BAKABA NIBATWARA BAIBULI NK’EY’OMUHENDO​—EKICWEKA KIKYE KYA VIDIYO EGYO (WILLIAM TYNDALE), REERO MUGARUKYEMU EBIBUUZO EBI:

• 

  Ahabw’enki William Tyndale yaavunwire ebicweka bya Baibuli?

• Ahabw’enki okuteeraho kwe kuvunuura Baibuli kwabaire okw’omugasho?

• Baibuli ezi Tyndale yaavunwire zikaba zitwarwa zita omuri England bwesherekye?

• Buri omwe ahariitwe naabaasa kworeka ata ngu naatwara Ekigambo kya Ruhanga nk’eky’omuhendo?