Noobaasa Kuhayo Obwire Bwawe n’Amaani Gaawe?

Nk’oku Isaaya yaagambire, ekicweka eky’omu nsi eky’ekibiina kya Yehova nikyongyera kutunguuka okukira obundi bwona. (Isa 54:2) Eki nikyetengyesa Ebyombeko by’Obukama ebisya, ebyombeko eby’okugiriramu enteerane empango, na ofiisi ensya ez’amataagi. Kwonka bwanyima y’okubyombeka, biine kureebererwa, kandi ebindi biine kuhunduuzibwa. Nitubaasa kuhayo tuta obwire bwaitu n’amaani gaitu omu murimo ogu?

• Nitubaasa kuhwera kuboneza, guruupu yaitu y’okubuurira yaaba niyo erikuza kuboneza Ekyombeko ky’Obukama

• Nitubaasa kwehayo kutendekwa kugira ngu tureeberere Ebyombeko by’Obukama

• Nitubaasa kwijuza foomu ya Local Design/Construction Volunteer Application (DC-50) kubaasa kuhwera obumwe omu kwombeka n’okureeberera ebyombeko ebiri omu kicweka kyaitu

• Nitubaasa kwijuza foomu Application for Volunteer Program (A-19) kubaasa kuhwera aha Beseeli ey’omu kicweka kyaitu nari aha kyombeko ekindi eky’eitaagi kumara esaabiiti emwe nari n’okurengamu

MUREEBE VIDIYO PUROGYEKITI NSYA EY’OKWOMBEKA ERIYO NEETEBEEKANISIBWA​—EKICWEKA KIKYE KURUGA OMU VIDIYO EGI, REERO MUGARUKYEMU EBIBUUZO EBI:

• Okuruga 2014 twongyeire kukoresa tuta vidiyo?

• Kubaasa kukora vidiyo ezirikwetengyesa omu kuramya kw’amazima, niintebeekanisa ki eriyo neekorwa, kandi okwombeka nikuza kutandika ryari kandi kuhendere ryari?

• Abarikwehayo kuhwera nibabaasa kuhwera bata aha purogyekiti egi?

• Twaba nitwenda kuhwera kwombeka Ramapo, ahabw’enki twine kwijuza foomu (DC-50) kandi tukahwera n’abarikwombeka abari omu kicweka kyaitu?

• Ni buhame ki oburikworeka ngu Yehova atwire naayebembera entebeekanisa egi?

• Nitubaasa kushagika tuta purogyekiti egi embeera zaitu zaaba zitatubaasise kuhwera omu kwombeka?