Taho Ebigyendererwa omu Bwire bw’Ekiijutsyo

Buri mwaka, abaheereza ba Yehova nibaba baine ekihika ky’okwijuka okufa kwa Yesu. Saabiiti nkye Ekiijutsyo kitakabaireho na bwanyima yaakyo, nitukoresa obwire obwo kuhimbisa n’okwebaza Yehova ahabw’ekiconco ky’ekitambo. (Efe 1:3, 7) Nk’ey’okureeberaho, nituteeraho munonga kweta abandi kwija aha Kiijutsyo. Abamwe nibahindura omu ntebeekanisa zaabo kugira ngu babaase kuba baapayoniya abahwezi baine ekigyendererwa ky’okubuurira eshaaha 30 nari 50 omu kwezi Kwakashatu nari Okwakana. Mbwenu shi omu bwire bw’Ekiijutsyo, nooyenda kwongyera aha bwire obu orikumara omu kubuurira? Niki ekiraakuhwere kukora ekyo?

Emirundi mingi, nitubaasa kukora bingi twateeraho kwetebeekanisa bukiri kare. (Enf 21:5) Obu Ekiijutsyo kiri haihi kubaho, hati nibwo bwire kutandika kwetebeekanisa. Teekateeka aha ku oraayongyere aha buheereza bwawe omu bwire bw’Ekiijutsyo, kandi ocwemu ebi oine kukora kuhikiiriza ekigyendererwa kyawe. Reero oshabe Yehova kuha omugisha okuteeraho kwawe.—1Yoh 5:14, 15.

Noobaasa kuteekateeka aha emiringo emwe oku orikubaasa kwongyera aha buheereza bwawe omu bwire bw’Ekiijutsyo?