Noobaasa Kwiha Nkahi Obuhabuzi Oburikwesigwa?
Obu embeera omu nsi zirikuguma nizihinduka, noobaasa kuhamya ota ngu ebi orikucwamu byarugamu ebirungi? Noobaasa kuhamya ota ngu ekirikureebwa nk’ekihikire hati tikiraabe kigwire omu biro by’omumaisho?
Baibuli neebaasa kukuhwera kucwamu omu muringo ogutaraakureetere kwefuuza. Ekyo nikibaasika kita? Omuhangi waitu niwe bukomooko bwa Baibuli kandi naamanya ekirikubaasa kutureetera kugira okushemererwa n’oburinzi.
“Akworekire ekirungi.”—Miika 6:8.
Nitubaasa kwesiga obwengye bwa Baibuli hati, ‘n’ebiro n’ebiro.’—Zaaburi 111:8.
Teeraho kweshwijumira Baibuli oreebe oku erikubaasa kukuhwera omu nsi egi erikuguma neehinduka?