Yeijutsye Enshonga Enkuru

Haine obu oraagumiirwe kwijuka eki waaheza kushoma? Ekyo twena obumwe nikitubaho. Niki ekirikubaasa kukuhwera? Yeijutsye enshonga enkuru.

Waaba nooyeyegyesa, yemereramu kakye oteekateekye aha nshonga enkuru. Yetegyereze oku entumwa Paulo yaahweraire abu yaahandiikire ebaruha ye arikugira ati: “Ekirikukira obukuru nikyo eki.” (Heb. 8:1) Ekyo kikahwera abantu kumukuratira n’okwetegyereza oku buri nshonga yaabaire neehikaana n’omutwe omukuru.

Noobaasa kutsigaho obwire, nk’edakiika ikumi bwanyima y’okweyegyesa, kuteekateeka aha nshonga enkuru ezi waayega. Waaba otarikubaasa kuziijuka, yetegyereze emitwe emikye nari sentensi erikutandika akacweka kureeba yaaba noobaasa kwijuka. Waayega ekintu kisya, teeraho kukishoboorora omu bigambo byawe. Waayeijutsya enshonga nkuru, noija kuguma nooziijuka, kandi noija n’okwongyera kureeba oku ebi waayega birikukukwataho.