Rwanisa Eihamba Orikuhwera Abandi—Eki Baibuli Erikugamba

Abantu baingi omu nsi baine eihamba, kandi tibaine mukago murungi n’abandi. Abahangu omu by’amagara nibaikiriza ngu okuhwera abandi nigwo muringo murungi gw’okurwanisa enyehurira ezo.

• “Okuhwera abarikwenda obuhwezi nikibaasa kutuhwera kwehurira gye n’okutuubya aha ihamba nari okwetaanisa aha bandi.”—U.S. National Institutes of Health.

Baibuli neetuhabura eki turikubaasa kukora kuhwera abandi. Twagyendera aha ki erikugamba nikibaasa kutuhwera kurwanisa enyehurira z’eihamba.

Eki orikubaasa kukora

Ba efura. Sherura oburyo bw’okuba n’abandi, okukira munonga butunu. Bagana nabo aha bi oine. Waakora otyo, nibabaasa kukusiima, reero obunywani bwawe nabo buhame.

• Omusingye gwa Baibuli: ‘Muhe, naimwe nimwija kuheebwa.’—Luka 6:38.

Ha abandi obwire bwawe. Sherura oburyo bw’okuhwera abantu abari omu mbeera zigumire. Eki nikibaasa kutwariramu okubahurikiza omu muringo gw’embabazi, nari okugira ebi waabakorera kutuubya aha mugugu gwabo.

• Omusingye gwa Baibuli: “Omunywani naaba ariho kuhwera, omu mbeera yoona.”—Enfumu 17:17, kurugiirira aha nvunuura ya Contemporary English.

Okumanya ebirikukiraho aha ku orikubaasa kuguma oine omukago murungi n’abandi, shoma ekicweka, “Family Life and Friendships.”