Yetantare Emitego y’Aha Mikura

AHABW’ENKI NI KIKURU: Nk’ebikoreso ebindi, emikura neebaasa kutuhwera nari neebaasa kuba ey’akabi. Abakristaayo abamwe nibacwamu kutakoresa emikura. Abandi nibacwamu kukoresa emikura kuhurizana n’ab’omu maka gaabo nari abanywani. Kwonka, Omuregi naayenda ngu tukorese kubi emikura, ekirikubaasa kushiisha eiziina ryaitu n’omukago gwaitu na Yehova. Nka Yesu, nitubaasa kukoresa emisingye ya Baibuli kumanya akabi kandi tukakeetantara.​—Luk 4:4, 8, 12.

EMITEGO EI TWINE KWETANTARA:

• Okumara obwire bwingi aha mikura. Okumara eshaaha nyingi aha mikura nikibaasa kushiisha obwire bwaitu bw’eby’omwoyo

  Emisingye ya Baibuli: Efe. 5:15, 16; Fil. 1:10

• Okureeba ebintu ebitashemeire. Okureeba ebintu nk’ebyo nikibaasa kutureetera kugira omuze gw’okuguma nitureeba ebishushani ebirikwitsa enshoni nari kugira emize mibi endiijo. Okushoma ebintu ebi abaayehagwire aha mazima n’ebi abantu barikukira kuta aha mikura nikibaasa kushiisha okwikiriza kwaitu

  Emisingye ya Baibuli: Mat. 5:28; Fil. 4:8

• Okuta aha mikura ebigambo nari ebishushani ebitashemeire. Ahabw’okugira ngu omutima n’engobya, omuntu naabaasa kuta ebigambo nari ebishushani ebitashemeire aha mikura. Kwonka, eki nikibaasa kushiisha eiziina ry’omuntu nari agarukye enyima omu by’omwoyo

  Emisingye ya Baibuli: Rom. 14:13; Efe. 4:29

MUREEBE VIDIYO KORESA GYE EMIKURA, REERO MWEIJUTSYE OKU MURIKUBAASA KWETANTARA EMBEERA EZI: