Yehova Naamanya Ebi Turikwetenga

Omwambari omwesigwa kandi ow’obwengye naatuha eby’okurya “omu bunaku obuhikire,” ekirikworeka ngu Yehova, orikwebembera omwambari, naamanya ebi turikwetenga omu by’omwoyo. (Mat 24:45) Ekyo nitukireebera aha nteerane ez’ebiro bishatu, enteerane ez’ahagati ya saabiiti n’ebindi.

MUREEBE VIDIYO RIPOOTA Y’AKAKIIKO AKARIKWEGYESA EYA 2017, REERO MUGARUKYEMU EBIBUUZO EBI:

• 

  N’oha oshemereire kuhimbisibwa ahabw’enteerane empango ezi turikugira omu bunaku obuhikire, kandi ahabw’enki?

• Ni ryari obu barikutandika kutebeekanisa ebirikuba biri omu ruteerane oruhango?

• 

  Ebirikuba biri omu ruteerane oruhango nibitooranwa bita?

• Nihatwariramu ki omu kutebeekanisa enteerane empango ez’ebiro bishatu?

• Emiringo ei barikukoresa kwegyesa omu ishomero rya Gileadi nibagikoresa bata kutebeekanisa enteerane z’ahagati ya saabiiti?

• 

  Ebitongore bitari bimwe aha Beseeli nibikora bita kumwe kutebeekanisa akatabo k’Obuheereza Bwaitu n’Oku Turikutwaza?

Nooyehurira ota ahabw’eby’omwoyo ebi Yehova arikutuha?