Okushoma Gye

1 Timoseo 4:13

EKY’OKUKORA: Shoma kyenyine ekihandiikirwe.

OKU ORIKUBAASA KUKIKORA:

• Tebeekanisa gye. Teeraho kumanya ahabw’enki ebi orikuza kushoma byahandiikirwe. Yemanyiize kushomera hamwe ebigambo, beitu kutari kushoma ekigambo kimwe-kimwe. Yetantare kutamu ebigambo ebitarimu, kuguruka ebimwe, nari kuhaanisa ekigambo n’ekindi. Kuratira obumanyiso bwona obw’empandiika y’orurimi.

• Yatura gye buri kigambo. Waaba otarikumanya oku ekigambo kirikwaturwa, noobaasa kuhurikiza ebitabo ebikwatsirwe omu maraka kumanya oku kirikwaturwa, nari shaba omushomi murungi kukuhwera.

• Teeraho kugamba gye. Yimutsya omutwe gwawe kandi oyashamye omunwa gwawe kubaasa kugamba gye ebigambo. Teeraho kugamba gye buri ngingo y’ekigambo.