OKUGARUKAYO
Mak. 6:30-34
EISHOMO 9
Esaasi
Omusingye: “Mushemererwe hamwe n’abarikushemererwa, murire hamwe n’abarikurira.”—Rom. 12:15.
Eki Yesu Yaakozire
1. Reeba VIDIYO, nari shoma Mako 6:30-34. Bwanyima oyetegyereze ebibuuzo ebirikukurataho:
Ahabw’enki Yesu n’entumwa ze baabaire nibenda ‘kwehereera’?
Niki ekyahigire Yesu kwegyesa abantu nyamwingi abo?
Nitwegyera ki Ahari Yesu?
2. Okusaasibwa abantu nikituhiga kubafaho, beitu kutari kubagambira obutumwa bwaitu kyonka.
Tooreza Yesu
3. Hurikiza gye. Reka omuntu agambe oku arikwehurira. Otamucwa ekirimi, nari kwehuzya enyehurira ze, ebiteekateeko bye, nari ebi atarikwikiriza. Waamuhurikiza gye, nooyoreka ngu noofayo aha bi arikuteekateeka.
4. Guma nooteekateeka aha muntu orikusiima amazima. Orikwihirira aha bigaaniiro byawe nawe, yebuuze oti:
‘Ahabw’enki aine kuhurira amazima?’
‘Okwega Baibuli nikibaasa kuhindura kita embeera ze eza butoosha n’okugira nyentsya nungi?’
5. Gamba ebirikubaasa kumuhwera omu mbeera ye. Ahonaaho, yoreka oku okwega Baibuli kurikubaasa kugarukamu ebibuuzo bye, n’okumuhwera omu miringo erikumugasira.
REEBA NA
Rom. 10:13, 14; Fil. 2:3, 4; 1 Pet. 3:8