Amazima Agu Turikukunda Kwegyesa Abandi

Yesu akagira ngu ab’emitima mirungi nibaija kumanya amazima baagahurira. (Yoh. 10:4, 27) N’ahabw’ekyo twaba nitugaaniira n’abantu, nituba nitwenda kubeegyesa amazima ga Baibuli agoorobi. Teeraho kwanjura amazima orikubuuza oti: “Waaba nookimanya ngu . . . ?” nari “Orahuriireho ngu . . . ?” Bwanyima, koresa ebyahandiikirwe ebirikuhikaana n’enshonga egyo kushoboorora amazima. Waagambira omuntu amazima goorobi nooba waabyara embibo omu mutima gwe, kandi Ruhanga naabaasa kureetera embibo egyo kukura!​—1 Kor. 3:6, 7.

• Nyentsya

• Eka

• Ruhanga

• Okushaba

• Yesu

• Obukama bwa Ruhanga

• Okubonabona

• Okufa

• Ediini

NYENTSYA

1. 1. Ebirikubaho hati n’emiteekateekyere y’abantu nibyoreka ngu hari haihi kubaho empinduka.​—Mat. 24:3, 7, 8; Luk. 21:10, 11; 2 Tim. 3:1-5.

2. 2. Ensi terikwija kucwekyerezibwa.​—Zab. 104:5; Mub. 1:4.

3. 3. Obuhangwa bw’ensi nibwija kugarurwa busya.​—Isa. 35:1, 2; Kush. 11:18.

4. 4. Buri muntu naija kugira amagara agahikiriire.​—Isa. 33:24; 35:5, 6.

5. 5. Noija kutuura omu nsi ebiro byona.​—Zab. 37:29; Mat. 5:5.

EKA

1. 6. Omushaija ashemereire ‘kukunda omukazi we, nk’oku arikwekunda.’​—Efe. 5:33; Kol. 3:19.

2. 7. Omukazi ashemereire kuha iba ekitiinisa kuruga aha mutima.​—Efe. 5:33; Kol. 3:18.

3. 8. Omushaija n’omukazi we bashemereire kwesigana.​—Mal. 2:16; Mat. 19:4-6, 9; Heb. 13:4.

4. 9. Abaana abarikuha abazaire baabo ekitiinisa kandi bakaboorobera nibasingura.​—Enf. 1:8, 9; Efe. 6:1-3.

NASA, ESA and the Hubble Heritage Team (STScI/​AURA)-ESA/​Hubble Collaboration. Licensed under CC BY 4.0. Source.

RUHANGA

1. 10. Ruhanga aine eiziina.​—Zab. 83:18; Kur. 6:2.

2. 11. Ruhanga naahurizana naitwe.​—2 Tim. 3:16, 17; 2 Pet. 1:20, 21.

3. 12. Ruhanga n’omuringaaniza, kandi tarikushoroora.​—Bir. 10:17; Byak. 10:34, 35.

4. 13. Ruhanga naayenda kutuhwera.​—Zab. 46:1; 145:18, 19.

OKUSHABA

1. 14. Ruhanga naayenda ngu tumushabe.​—Zab. 62:8; 65:2; 1 Pet. 5:7.

2. 15. Baibuli neetwegyesa oku twine kushaba.​—Mat. 6:7-13; Luk. 11:1-4.

3. 16. Twine kushaba obutoosha.​—Mat. 7:7, 8; 1 Tes. 5:17.

YESU

1. 17. Yesu akaba ari omwegyesa rugambwa, kandi obuhabuzi bwe nibukora na hati.​—Mat. 6:14, 15, 34; 7:12.

2. 18. Yesu akagamba kare ebi turikureeba nibibaho hati.​—Mat. 24:3, 7, 8, 14; Luk. 21:10, 11.

3. 19. Yesu n’Omwana wa Ruhanga.​—Mat. 16:16; Yoh. 3:16; 1 Yoh. 4:15.

4. 20. Yesu ti Ruhanga ow’Obushoboorozi Bwona.​—Yoh. 14:28; 1 Kor. 11:3.

Based on NASA/Visible Earth imagery

OBUKAMA BWA RUHANGA

1. 21. Obukama bwa Ruhanga ni gavumenti eyaabuzima eri omu iguru.​—Dan. 2:44; 7:13, 14; Mat. 6:9, 10; Kush. 11:15.

2. 22. Obukama bwa Ruhanga nibwija kuza omu mwanya gwa gavumenti z’abantu.​—Zab. 2:7-9; Dan. 2:44.

3. 23. Obukama bwa Ruhanga nibwo bwonka oburaagonjoore oburemeezi bw’abantu.​—Zab. 37:10, 11; 46:9; Isa. 65:21-23.

OKUBONABONA

1. 24. Ruhanga tiwe arikutureetera kubonabona.​—Bir. 32:4; Yak. 1:13.

2. 25. Sitaane niwe arikutegyeka ensi egi.​—Luk. 4:5, 6; 1 Yoh. 5:19.

3. 26. Ruhanga naakufaho waaba noobonabona.​—Zab. 34:17-19; Isa. 41:10, 13.

4. 27. Ruhanga ari haihi kwihaho okubonabona.​—Isa. 65:17; Kush. 21:3, 4.

OKUFA

1. 28. Abafu tihaine ki barikumanya, tibarikubonabona.​—Mub. 9:5; Yoh. 11:11-14.

2. 29. Abafu tibarikubaasa kutuhwera nari kutukora kubi.​—Zab. 146:4; Mub. 9:6, 10.

3. 30. Abakundwa baitu abaafiire nibaija kuzoorwa.​—Yob. 14:13-15; Yoh. 5:28, 29; Byak. 24:15.

4. 31. ‘Tiharikwija kugaruka kubaho kufa bundi.’​—Kush. 21:3, 4; Isa. 25:8.

EDIINI

1. 32. Ti madiini goona ngu nigashemeza Ruhanga.​—Yer. 7:11; Mat. 7:13, 14, 21-23.

2. 33. Ruhanga naayanga oburyarya.​—Isa. 29:13; Mik. 3:11; Mak. 7:6-8.

3. 34. Rukundo eyaabuzima niko kamanyiso g’ediini ehikire.​—Mik. 4:3; Yoh. 13:34, 35.