Omunaara gwa Babeeli

Bwanyima y’Omwegyemure, batabani ba Noa n’abakazi baabo bakazaara abaana baingi. Bakagira amaka mahango baatandika kujanjaara omu nsi yoona, nk’oku Yehova yaabaire abagambiire.

Kwonka abamwe bakagomera Yehova. Bakagira bati: ‘Ni mwije tweyombekyere orurembo turutuuremu. tweyombekyere n’omunaara guhikye ahaiguru. Haza nitwija kurangaanwa.’

Ebi abantu aba baabaire nibakora tibirashemeize Yehova, n’ahabw’ekyo akacwamu kubazibira. Noomanya oku yaakikozire? Ahonaaho akabareetera kugamba endimi ezitarikushushana. Ahabw’okugira ngu bakaba batarikwetegyerezana, bakarekyera aho kwombeka. Orurembo oru baabaire nibombeka rukamanywa nka Babeeli, ekirikumanyisa “Okubuzabuza.” Abantu bakatandika kugyenda baaruga omu Babeeli baatuura omu nsi yoona. Kwonka bakaguma nibakora ebibi omu bicweka ebi baagiire kutuuramu. Kwonka shi hakaba hakiriho abantu abarikukunda Yehova? Nitwija kukireeba omu shuura erikukurataho.