Okuhindahindura omu Iraka

Enfumu 8:4, 7

EKY’OKUKORA: Gamba gye enshonga kandi oreetere abakuhurikiize kugira enyehurira orikutunguura eiraka, orikwetwara aha bigambo ebimwe, kandi orikurahuka aha bindi.

OKU ORIKUBAASA KUKIKORA:

• Tunguura eiraka ryawe nari orituubye. Tunguura eiraka kworeka enshonga enkuru n’okuhiga abakuhurikiize. Ba nikwo waakora otyo na waaba nooshoma Ebyahandiikirwe ebirikukwata aha kucwa orubanja. Tuubya eiraka kureetera abakuhurikiize kugira ekihika, nari kworeka enshonga erikutiinisa nari erikwerarikiriza.

• Hindura oku eiraka ryawe ririkuhurirwa. Hindura eiraka ryawe kurugiirira aha nyehurira ei orikwenda kworeka, nk’okworeka omuhimbo, obuhango bw’ekintu, nari oburaingwa bw’orugyendo. Gamba ekigambo orikurahuka kworeka obusaasi nari okwerarikirira.

• Gamba nooyetwara nari noorahusya. Gamba noorahusya enshonga yaaba neeshemeza, kandi yetware yaaba eri nkuru.