EKYESHONGORO 90
Tugumyane
Ekiteirwe
(Abaheburaayo 10:24, 25)
1. Twena twafayo kugumyana
Nituramya gye Yehova,
Nitweyongyera kukundana;
Nitugira n’obusingye.
Kandi rukundo neetuhwera
Kugumisiririzana.
Ekibiina n’obuhungiro,
Nikituha oburinzi.
2. Kandi ebigambo birungi
Ka nibituhuumuriza!
Banywani baitu abeesigwa
Buzima nibatugumya.
Ka ni kirungi okukora
N’ab’eisheemwe abakundwa!
Nituteeraho kugumyana
Kandi tuhwerahwerana.
3. Obu ekiro kya Yehova
Kiri haihi n’okuhika,
Twine kuteeranira hamwe
Kuguma omu mazima.
Twaguma nitukwatanisa,
Nituramya gye Yehova.
Ka tweyongyere kugumyana
Kandi tube abeesigwa.
(Reeba na Luk. 22:32; Byak. 14:21, 22; Gal. 6:2; 1 Tes. 5:14.)