EISHOMO 28
Siima eki Yehova na Yesu Baakukoreire
Nooyehurira ota munywani waawe yaakuha ekiconco kirungi? Buzima, nooshemererwa munonga, kandi nooba nooyenda kumusiima ahabw’okukuha ekiconco ekyo. Yehova na Yesu bakatuha ekiconco ekirikukira ebindi byona. Bakatuha kiconco ki, kandi nitubaasa kworeka tuta ngu nitukisiima?
1. Nitubaasa kworeka tuta ngu nitusiima eki Ruhanga na Kristo baatukoreire?
Baibuli neeraganisa ngu ‘omuntu weena orikwikiririza omuri [Yesu]’ naija kugumaho ebiro byona. (Yohaana 3:16) Eki nikimanyisa ki? Nikikira aha kwikiririza omuri Yesu kyonka. Twine n’okworeka okwikiriza kwaitu omu bi turikucwamu n’omu bi turikukora. (Yakobo 2:17) Nitworeka okwikiriza kwaitu omu bi turikugamba n’ebi turikukora. Kandi nitugira omukago guhami na Yesu na Yehova.—Shoma Yohaana 14:21.
2. Ni mukoro ki gw’omutaano ogurikutuhwera kusiima eki Yehova na Yesu baatukoreire?
Omwabazyo ogwahereerukireyo Yesu atakaitsirwe, akagambira abakuratsi be omuringo ogundi ogw’okusiima ekitambo kye. Akatandikaho omukoro gw’omutaano ogu Baibuli erikweta Ekihuuro kya ‘Mukama Waitu,’ kandi ogurikumanywa nk’okwijuka okufa kwa Kristo. (1 Abakorinso 11:20) Yesu akatandikaho omukoro ogu kugira ngu entumwa ze n’Abakristaayo boona abaabuzima, bagume nibaijuka ngu akahayo amagara ge ahabwabo. Aha bikwatiraine n’omukoro ogu, Yesu akagira ati: “Mugume mukore mutyo okuunyijukiraho.” (Luka 22:19) Waaza aha Kiijutsyo, nooyoreka ngu noosiima rukundo mpango ei Yehova na Yesu batwiniire.
SHWIJUMA GYE
Yongyera kumanya oku orikubaasa kworeka ngu noosiima rukundo mpango ei Yehova na Yesu baatugiriire. Manya obukuru bw’okwijuka okufa kwa Kristo.
3. Okusiima nikutuhiga kugira eki twakora
Ka tugire ngu omuntu yaakujuna kutatobera omu maizi, noija kwebwa eki yaakukorera? Nari noija kusherura oburyo bw’okumusiima ahabw’ekikorwa ekyo?
Yehova niwe yaatuhaire amagara. Shoma 1 Yohaana 4:8-10, kubaasa kugarukamu ebibuuzo ebi:
Ahabw’enki ekitambo kya Yesu n’ekiconco ky’omutaano?
Eki Yehova na Yesu baakozire nikikureetera kwehurira ota?
Nitubaasa kworeka tuta ngu nitusiima eki Yehova na Yesu baatukoreire? Shoma 2 Abakorinso 5:15 na 1 Yohaana 4:11; 5:3. Shoma buri kyahandiikirwe okwakyo, kubaasa kugarukamu ekibuuzo eki:
Kurugiirira aha kyahandiikirwe ekyo, nitubaasa kukora ki kworeka okusiima kwaitu?
4. Tooreza Yesu
Omuringo ogundi ogw’okworeka okusiima kwaitu n’okutooreza Yesu. Shoma 1 Petero 2:21, kubaasa kugarukamu ekibuuzo eki:
Noobaasa kugyendera ota haihi n’ebiribatiro by’ebigyere bya Yesu?
Yesu akaba naakunda Ekigambo kya Ruhanga, okubuurira amakuru marungi, n’okuhwera abandi
5. Za aha mukoro gw’okwijuka okufa kwa Yesu
Manya ekyabaireho aha mukoro gw’Ekiijutsyo ogw’okubanza, orikushoma Luka 22:14, 19, 20, kubaasa kugarukamu n’ebibuuzo ebi:
Niki ekyabaireho aha Kiijutsyo?
Omugaati na viinyo nibijwekyera ki?—Reeba omushororongo 19 na 20.
Yesu akaba naayenda ngu abeegi be bagume nibaijuka okufa kwe omurundi gumwe buri mwaka. N’ahabw’ekyo, Abajurizi ba Yehova nibateeranira hamwe buri mwaka kwijuka okufa kwe nk’oku yaaragiire. Kumanya ebirikukwata aha ruteerane rukuru oru, zaana VIDIYO, kubaasa kugarukamu n’ekibuuzo ekirikukurataho.
Niki ekirikubaho aha Kiijutsyo?
Omugaati na viinyo n’obumanyiso. Omugaati nigujwekyera omubiri gwa Yesu oguhikiriire ogu yaahaireyo ahabwaitu. Viinyo neejwekyera eshagama ye
ABAMWE NIBAGIRA NGU: “Eki oine kukora kubaasa kujunwa, n’okwikiriza Yesu kyonka.”
Noobaasa kukoresa ota Yohaana 3:16 na Yakobo 2:17, kworeka omuntu ngu hariho ekindi ekiine kukorwa?
OMU BUGUFU
Nitworeka ngu nitusiima eki Yesu yaatukoreire turikumwikiririzamu kandi tukaza n’aha Kiijutsyo.
Okweijutsya
Okwikiririza omuri Yesu nikimanyisa ki?
Noobaasa kworeka ota ngu noosiima eki Yehova na Yesu baakukoreire?
Ahabw’enki ni kikuru kuza aha mukoro gw’okwijuka okufa kwa Yesu?
JUMBURA EBINDI
Okufa kwa Kristo nikutuhiga kukora ki?
Yongyera kumanya ebirikukwata aha kwikiriza n’oku turikubaasa kukworeka omu bikorwa.
“Yikiririza omu Bi Yehova Arikuraganisa” (Omunaara gw’Omurinzi, Okitoba 2016)
Ahansi y’omutwe “Ndi Oshemeire, Mpuriire, Kandi Nyijwire” reeba oku omukazi omwe yaagasiirwe ahabw’okumanya obukuru bw’ekitambo kya Kristo.
“Baibuli Neehindura Emitwarize y’Abantu” (Omunaara gw’Omurinzi, Agusto 1, 2011)
Manya ahabw’enki bakye nibo barikurya kandi bakanywa aha bumanyiso bw’Ekiijutsyo.