Mugumyane omu Kwikiriza

Twena nitusiima omugisha gw’okugumyana twaba turi n’ab’eishe-emwe na banyaanyazi-itwe. Kwonka okugumyana nikikira aha kuba hamwe kyonka. Baibuli neeyeta okubaasa kwaitu kw’okugumyana “omugisha gw’omwoyo.” (Rom. 1:​11, 12) Nitubaasa kukoresa tuta omugisha ogwo omu bwijwire?

Koresa ebigambo ebitoorainwe gye. Nk’eky’okureeberaho, nitubaasa kuha eby’okugarukamu omu nteerane ebirikworeka ngu titurikwetaho omutima kureka nituguta ahari Yehova, Ekigambo kye, n’abaheereza be. Kandi twaba nitugaaniira n’Abakristaayo bagyenzi baitu, nitubaasa kuteeraho kugamba aha nshonga ezirikwombeka.

Gumya abandi kurabira omu ku orikucwamu n’ebikorwa byawe. Nk’eky’okureeberaho, bamwe bacwiremu kuguma omu buheereza bw’obutwire n’obu baraabe baine oburemeezi. Abandi nibaza omu nteerane ez’ahagati ya saabiiti obutoosha n’obu kirikuba kitoorobi ahabw’emirimo n’endwara ezitarikurahuka kukira.

Mbwenu shi ebigambo byawe n’ebikorwa byawe nibigumya okwikiriza kw’abandi? Oyeteekateekire kugasirwa omu bi ab’eishe-emwe barikukora kubaasa kukugumya?