Ahabw’enki Abajurizi ba Yehova Batarikukoresa Omusharaba omu Kuramya?

Baingi nibareeba omusharaba nk’akamanyiso k’Obukristaayo. N’obu Abajurizi ba Yehova baraabe bari Abakristaayo, tibarikukoresa omusharaba omu kuramya kwabo. Ahabw’enki?

Enshonga emwe n’ahabw’okugira ngu Baibuli neeyoreka ngu Yesu tarafeereire aha musharaba kureka aha muti. Kandi, Baibuli neerabura Abakristaayo ‘kwetantara okuramya ebishushani,’ ekirikumanyisa ngu titwine kukoresa omusharaba omu kuramya.—1 Abakorinso 10:14; 1 Yohaana 5:21.

Yesu akagira ati: ‘Ku muraagume nimukundana, nibwo abantu boona barikwija kumanya ku muri abeegi bangye.’ (Yohaana 13:34, 35) Yesu okugira atyo, akooreka ngu rukundo y’okwefeerereza niko kamanyiso kakuru k’abakuratsi be, beitu ti kukoresa omusharaba nari ebishushani ebindi.