Khalani na Cikhulupiro Cakulimba Cakuti Yahova Angakupulumuseni

Werengani Numero 13:25–14:4 kuti muwone momwe Ajirayeri adalatizira kuti akhathemba lini Yahova.

Yezerani kubvesesa nkhaniyo. Thangwe ranyi Ajirayeri akhafunika kukhulupira kuti Yahova akhana mphanvu ya kuwapulumusa pomwe akhacoka ku Edjipito? (Salimo 78:12-16, 43-53) N’ciyani comwe cidawacitisa kuti aleke kukhulupira Yahova? (Deuteronomiyo 1:26-28) Kodi Kalebe na Djoswa adalatiza tani kuti akhathemba Yahova? — Numero 14:6-9.

Fufudzani bzinango. Kodi n’ciyani comwe Ajirayeri angadacita kuti alimbise cikhulupiro cawo kwa Yahova? (Salimo 9:10; 22:4; 78:11) Kodi ni kubverana kuponi komwe kulipo pakati pa kuthemba Yahova na kumulemekeza? — Numero 14:11.

Kumbukirani bzomwe mwapfunza. Bzibvunzeni kuti:

• ‘Kodi ni bzinthu bziponi bzomwe bzingayeze cikhulupiro cangu kwa Yahova?’

• ‘Kodi n’ciyani comwe ningacite kuti ndilimbise cikhulupiro cangu kwa Yahova tsapano na kutsogolo?’

• ‘Kodi nin’funika kukhala na citsimikizo ciponi pomwe citsautso cikulu cikufendera?’ — Luka 21:25-28.