Yezezerani Kuti Mukuwona Nkhani za M’Bibliya

M’Bibliya muna nkhani zizinji zacadidi zomwe zimbapfunzisa bzinthu bzakufunika. Tikambayezezera ninga kuti tikuwona nkhani zimwezi, tin’dzakwanisa kubvesesa bwino-bwino bzomwe tikuwerenga ndipo tin’dzagumana phindu. Onani bzinthu bzinango bzomwe mungacite bzomwe bzingakuthandizeni kuyezezera ninga kuti mukuwona nkhani za m’Bibliya.

• Werengani mwakukuwa. Kuwerenga Bibliya mwakukuwa kungakuthandizeni kumbayezera kukumbukira bwino-bwino bzomwe bzikucitika. Pomwe mukuwerenga Bibliya ninga banja, imwepo mungayezezere bwino nkhaniyo mwa kupasa mbali ali-wentse wa m’banja mwanu kuti awerenge mafala ya munthu wakusiyana.

• Kumbukirani bzomwe bzikucitika. Yezerani kubvesesa bzomwe anembi wa nkhaniyo akhakumbuka na momwe akhabvera. Mwa ciratizo, bzibvunzeni kuti: ‘Thangwe ranyi munthuyu adalewa ayai kucita bzimwebzi? Kodi ningadabzibva tani ayai ningadakumbuka ciyani bzingadakhala bzikucitikira inepano?’

• Dezenyarini. Kudezenyari nkhani za m’Bibliya kungakuthandizeni kuwona ayai kukumbukira bwino-bwino nkhaniyo napo kuti mumbadziwa lini kudezenyari bwino-bwino.