Kodi Mumbalemekeza Bzipembedzo Bzinango?

Ifepano timbateweza malango ya m’Bibliya yakuti ‘lemekezani wanthu wa mtundu uli-wense,’ bziribe basa cipembedzo cawo. (1 Pedru 2:17) Mwa ciratizo, m’madziko manango ali wanthu azinji omwe ni Mboni za Yahova. Napo bziri tenepoyo, ifepano timbakakamiza lini wanthu wa ndale ayai wanthu omwe ambakonza malamulo kuti aletse bzipembedzo bzinango ayai aletse mabasa yomwe bzipembedzobzo bzimbacita. Ndipo timbanyengerera lini akulu-akulu wa boma kuti aikhe malamulo yakukakamiza wanthu kuti ambateweze mitemo yathu yakulewa bza makhalidwe yabwino pabodzi na bzomwe timbakhulupira. M’mbuto mwace, ifepano timbalemekeza bzomwe wanthu winango ambakhulupira, ticifuna kuti iwo ambalemekezembo bzomwe ifepano timbakhulupira.—Mateu 7:12.