Thangwe Ranyi Mumbadziwika na Dzina la Mboni za Yahova?

Mulungu dzina lace ni Yahova, ninga momwe Bibliya limbalewera. (Kufuluka 6:3; Psalymo 83:18) Mboni ni munthu omwe ambafotokoza bzinthu bzomwe adawona ayai bzomwe ambatsimikizira kuti mpsacadidi.

Tenepo, dzina lathu lakuti Mboni za Yahova limbatidziwikisa ninga gulu la Akristau omwe ambadziwisa cadidi cakulewa bza Yahova, Mulengi wa bzinthu bzense. (Cibvumbulutso 4:11) Ifepano timbacitira umboni anzathu mwa momwe timbacitira bzinthu pa moyo wathu na mwa kumbawauzambo bzomwe timbapfunza m’Bibliya.—Zaiya 43:10-12; 1 Pedru 2:12