BIBLIYOTEKA YA PA INTERNETI ya Watchtower

Mbatendani Mphaso ya Moyo

Khalani na Moyo Wakukondwa Mpaka Kale-kale!—Bukhu Lomwe Lingakuthandizeni Kubvesesa Bibliya
- 1. Thangwe ranyi tin’funika kumbatenda moyo omwe tinawoyu?
  
  Tin’funika kumbatenda moyo thangwe ni mphaso yakucokera kwa Baba wathu, Yahova, omwe ambatifuna. Iye ni mwenekaciro wa “moyo” thangwe ndiye adalenga bzinthu bzentse. (Salimo 36:9) “Ndiye omwe ambapasa moyo wanthu wentse, mphuwe pabodzi na bzinthu bzentse.” (Mabasa 17:25, 28) Yahova ambatipasa bzomwe tikufunikira kuti tipitirize kukhala na moyo. Ndipo iye ambacitisambo kuti tikomedwe na moyo. — Werengani Mabasa 14:17.

Mbatendani Mphaso ya Moyo

Khalani na Moyo Wakukondwa Mpaka Kale-kale!—Bukhu Lomwe Lingakuthandizeni Kubvesesa Bibliya
- 2. Kodi tingalatize tani kwa Yahova kuti timbatenda mphaso ya moyo?
  
  Yahova akhakuwonani kuyambira pomwe mukhali m’mimba mwa mai wanu. Davide omwe akhali mtumiki wa Mulungu adapemba kwa Yahova kuti: “Maso yanu yadandiwona pomwe ndikhali m’mimba.” (Salimo 139:16) Moyo wanu ngwakufunika kwene-kwene. (Werengani Mateu 10:29-31.) Yahova bzimbamuwawa kwene-kwene munthu akapha mwanzace ayai akabzipha yekha.a (Kufuluka 20:13) Ndipo bzimbamuwawambo akawona kuti tikucita cinthu comwe cingacitise moyo wathu kukhala pa ngozi ayai akawona kuti tikukhotcerera lini moyo wa anzathu. Tikambakhotcerera moyo wathu na kulemekeza moyo wa anzathu, timbalatiza kuti timbatenda mphaso ya moyo.

Mbatendani Mphaso ya Moyo

Khalani na Moyo Wakukondwa Mpaka Kale-kale!—Bukhu Lomwe Lingakuthandizeni Kubvesesa Bibliya
- 5. Lemekezani moyo wa mwana omwe akanati kubadwa
  
  Davide adalewa kuti Yahova ambawona mwana akambakula m’mimba mwa mwai wace. Werengani Salimo 139:13-17, ndipo mukamala cezeranani mbvunzo wakutewerayu:
  
  Kodi kwa Yahova, moyo wa munthu umbayamba pomwe mai wace atenga pathupi ayai pomwe iye abadwa?
  
  Malamulo yomwe Mulungu adapasa Ajirayeri yakhakhotcerera azimayi na wana omwe ali m’mimba. Werengani Kufuluka 21:22, 23, ndipo mukamala cezeranani mibvunzo ikutewerayi:
  
  Kodi Yahova akhamuwona tani munthu omwe akhapha mwangozi mwana omwe ali m’mimba?
  
  Tsono iye akhabva tani munthu akacita bzimwebzi utowa?b
  
  Kodi imwepo mukuwonambo tani bzomwe Mulungu akhacitabzi?
  
  Onani VIDIYO.
  
  VIDIYO: Mbawonani Moyo Ninga Momwe Mulungu Ambauwonera (5:00)
  
  Napo mkazi omwe ambalemekeza moyo, nthawe zinango angawone ninga kuti bziri bwino kucosa mimba. Werengani Zaiya 41:10, ndipo mukamala cezeranani mibvunzo ikutewerayi:
  
  Mkazi akakhala akungingimizidwa kuti acose mimba, kodi an’funika kukumbira thandizo kuna yani? Ndipo thangwe ranyi?

Mbatendani Mphaso ya Moyo

Khalani na Moyo Wakukondwa Mpaka Kale-kale!—Bukhu Lomwe Lingakuthandizeni Kubvesesa Bibliya
- b Wanthu omwe akhacosa mimba an’funika lini kupitiriza kubzipasa mulandu, thangwe Yahova angawalekerere. Kuti mudziwe bzizinji onani nkhani ya msolo wakuti “Kodi Bibliya Limbati Tani pa Nkhani ya Kucosa Mimba?” yomwe iri pa mbali yakuti Onani Pomwe Ibzi ya pfunziro lino.