• Mbalewani Mafala ‘Yomwe Njakulimbisa’
    “Pitirizani Kufunidwa na Mulungu”

    • THANGWE RANYI TIN’FUNIKA KUSAMALA PA KULEWALEWA?

      4, 5. Kodi pa Mimwani 12:18 pambafotokoza ciyani bza mphanvu ya mafala?

      4 Thangwe libodzi lakufunika kwene-kwene kuti timbasamale pa kulewalewa, ndakuti mafala yana mphanvu. Pa Mimwani 15:4 pambati: ‘Lirime lakuderekha ni muti wa moyo, koma mafala yakuipa yambakalipisa.’a Mafala yakuderekha yambalimbisa munthu ninga momwe madzi yambatsangalazira muti omwe ukhauma. Tsono mwakusiyana na bzimwebzi, mafala yakuipa yambakhumudwisa wanthu winango. Kulewa cadidi, mafala yomwe timbalewalewa yana mphanvu ya kupweteka ayai kupoza munthu.—Mimwani 18:21.