Muno Tubaghile Ukongelela Amaluso Ghitu Mubufumusi—Mwande Nukuyobesania Isi Sibaghile Ukubapangisya Ukuti Mubafumukisye Abandu

Yesu afumwisye ndusako ku nkikulu Unsamaria panongwa yakuti alyandile ukuyobesania nawe. Ngimba tubaghile ukongelela bulebule amaluso ghitu mubufumusi mwakuyobesania na bandu abakihesya?

• Muyeghe babumanyani kangi muyobesanieghe na bandu. Nalinga akatele, Yesu alyandile ukuyobesania nu nkikulu Unsamaria mwa kunsuma amisi aghakunwa. Numwe mubaghile ukwanda nu kumponia kangi ukuyobapo isya muno kukyelile pamo isi sibombiwe mu kighaba kinu. Kumbuka ukuti mukulonda ukuti mwande itolo ukuyobesania, yonongwa yake mukulondiwa ukuyoba ifundo iyi yibaghile ukunhobosya. Linga sikanhobosya komma ukuleka. Ghela ukumfumukisyila uyungi. Nsuma Yehova ukuti abakasye.—Ne 2:4; Imb 4:29.

• Muyeghe bengo pambombo ya kufumusya amasyu amanunu loli mungabopelagha. Ifi mukuyobesania fiyeghe fyakupilikiwa. Linga mukumfimbilisya umundu abaghile ukwanda ukutamya nukuleka ukupilikisya. Komma ukukalala linga ukuyobesania kwinu kumalikile pa njila bo mukali ukumfumukisya. Linga injila iyi mukughela ukufumukisya amasyu amanunu yikubakayikisya, panga ikifwanikisyo kya muno mubaghile ukufumukisya pamwibene. [Ketelela nukuyobesania ividiyo yakwanda.]

• Ghela ukumfumukisya ndusako mwakumfika pandumbula pakuyoba isya lwitiko lwinu, isi sibaghile ukumpangisya ukuti abalalusye nyingi. Yesu amanyisyagha mu njila imbepe iyi yalimpangisye unkikulu ukuti alalusye amalalusyo. Bo amfumukisye amasyu amanunu, kwalimpangisye ukuti amule amalalusyo ghake ghosa. [Ketelela nukuyobesania ividiyo yabubili kangi muketelele nukuyobesania ividiyo yabutatu.]