UBUMI BWITU BWABUKRISTU

Ubombeghe Ifindu na Bakikulu Abakulumba Ukufwana bo Mama wako, Abalindwana Ukufwana Balumbu Bako

Amalemba ghikutubula ukuti tubabombeleghe ifindu Abakristu abakusi ukufwana ba mama na ba tata bitu, abakilumyana tubabombeleghe ifindu bo abakamu bitu. (Belenga 1 Timoti 5:1, 2.) Abakamu bikulonda ukubabombela abalumbu ifindu ndughano na ndughindiko.

Unkamu atikulondiwa ukumbombela umulumbu ifindu ifibibi ifi fikabaghila ukumpangisya ukuti aleke ukwipilika kanunu. (Jobu 31:1) Unkamu wakilumyana atikulondiwa ukubomba ifindu nu mulumbu wakilindwana ukunangisya ukuti ikunkopa ukuti aye nawe pakibwezi loli apa umwene ikulonda itolo ukwangasya aminong’ono gha mulumbu

Abakulumba bikulondiwa ukubikako amahala fiyo linga abakikulu bikulalusya amalalusyo mwalughindiko pamo linga bikubabula ikindu kimo iki abene bikulondiwa ukuti babombepo simo. Abakulumba bikubikako amahala fiyo ku balumbu aba bakaya nabalume babo ukuti babafighilile.—Ru 2:8, 9.

KETELELA IVIDIYO IYAKUTI MUNANGISYEGHE ULUGHANO ULU LUTIKUMALIKA NKIPANGA-KUBAFWILWE NA KUBAPINA UKUFUMA APO MWAMULE AMALALUSYO AGHAKUKONGAPO AGHA:

Ngimba ikipanga kyanangisye bulebule ulughano ku Mulumbu Myint?
Ngimba mo munjila yiliku iyi ulughano ulu ikipanga kikunangisya, kikubikila ubuketi ku bandu ba nkaya?
Ngimba ulughano ulu lwanangisiwagha lwalimpalamasisye bulebule umwana wa Mulumbu Myint?

Ngimba njila siliku isi tubaghile ukunangikisya ukuti tukubapasikisya abalumbu bitu nkipanga?