30 Noko Hɛhyebɔn Belemgbunli Saehɔn ammaa yɛanva ɛkɛ ɔluakɛ Gyihova yɛ Nyamenle ne maanle ɔyɛle anyetele+ na ye ahonle yɛle se amaa yeava ye yeawula bɛ sa nu kɛ mɔɔ ɔde ye kɛkala la.+

7 Noko mekɛ mɔɔ Ehazaya hɔkpɔlale Gyɛholam la, Nyamenle luale zo zɛkyele ye; na mɔɔ ɔradwule la, ɔ nee Gyɛholam hɔyiale Nemehyae anlɔnra* Gyihu,+ mɔɔ Gyihova ɛkpokpa ye kɛ ɔzɛkye Ehabe sua nu amra* la.+

18 Ɛhye ati, saa ɔkulo a ɔse bie mɔ anwunvɔne, yɛɛ ɔkulo noko a ɔmaa bie mɔ adenle bɛyɛ anzosesebɛ.+