• Edwɛne 15:1-5
    Ngɛlɛlera Nwuanzanwuanza Ewiade Fofolɛ Ngilebɛbo

    • 15 O Gyihova, nwane a bayɛ ɛyɛvolɛ wɔ wɔ ɛdanlɛsua ne anu a?

      Nwane a badɛnla wɔ boka nwuanzanwuanza ne azo a?+

       2 Sonla mɔɔ anwo ɛnlɛ ngehanleɛ,*+

      Ɔyɛ mɔɔ tenrɛ+

      Na ɔka nɔhalɛ wɔ ye ahonle nu la.+

       3 Ɔnva ɔ tafinlima ɔnzɛkye awie mɔ duma,+

      Ɔnyɛ ɔ gɔnwo ɛtane,+

      Yɛɛ ɔngeha ɔ gɔnwo mɔ anwo edwɛkɛ ɛtane ɛtane.*+

       4 Ɔkpo awie biala mɔɔ yɛ* kyibadeɛ la,+

      Noko ɔdi bɛdabɛ mɔɔ bɛsulo Gyihova la eni.

      Ɔbɔ ɛwɔkɛ a ɔngakyi ɔ nloa, saa bɔbɔ ɔyɛ se kɛ ɔbali zo a.+

       5 Ɔnva ye ezukoa ɔmbɔ bosea ɔnlie mpaefoa,+

      Yɛɛ ɔnlie belaebo ɔntia mɔɔ edwɛkɛ ɛnle ɔ nwo la.+

      Sonla mɔɔ yɛ ɛhye mɔ amuala la gyi ye kpundii dahuu.*+

  • Edwɛne 84:1-4
    Ngɛlɛlera Nwuanzanwuanza Ewiade Fofolɛ Ngilebɛbo

    • 84 O ɛlɔne Gyihova,

      Nea kɛzi me nye die wɔ ɛdanlɛsua kpole ne anwo a!+

       2 Me nwo* ɛlɛdɔ ɛkɛ ne kpalɛ,

      Ɛhɛe, me kunlu a anrɛɛ

      Mewɔ Gyihova sua nu alienwo ɛkɛ.+

      Me ahonle nee me nwonane tea nu anyelielɛ nu maa tease Nyamenle ne.

       3 Nloma bɔbɔ nyia sua wɔ ɛkɛ

      Yɛɛ nyamenleakatiba lɛ ɔ ti anwo sane,

      Ɛleka mɔɔ ɔnea ɔ mra la,

      Wɔ wɔ afɔlemokyea kpole ne anwo ɛkɛ, O ɛlɔne Gyihova,

      Me Belemgbunli nee me Nyamenle!

       4 Anyelielɛ a le bɛdabɛ mɔɔ bɛde wɔ sua nu la!+

      Bɛye wɔ ayɛlɛ dahuu.+ (Sila)