6 Mɔɔ bɛrale na ɔnwunle Ɛlayabe la,+ ɔhanle kɛ: “Nɔhalɛ nu, ahenle mɔɔ Gyihova ɛkpokpa ye la a gyi ɔ nyunlu ɛke la.” 7 Noko Gyihova zele Samoɛle kɛ: “Mmanea kɛzi ɔde la nee ye tendenle ne,+ ɔluakɛ mekpo ye. Ɔboalekɛ tɛ kɛzi sonla nea debie la a Nyamenle nea a, ɔluakɛ sonla nea mɔɔ ɛnyelɛ nwu ye la, noko Gyihova ɛdeɛ, ɔnea ahonle nu.”+

9 Na wɔmɔ me ra Sɔlɔmɔn, nwu wɔ papa Nyamenle ne na fa ahonle mɔɔ di munli*+ nee ɛkɛla* mɔɔ lɛ anyelielɛ* la sonle ye, ɔluakɛ Gyihova neɛnlea ahonle kɔsɔɔti anu,+ na ɔnwu adwenle nu nzuzulɛ biala.+ Saa ɛkpondɛ ye a, ɔbamaa wɔanwu ye,+ noko saa ɛkpo ye a, ɔbakpo wɔ dahuu.+

23 O Nyamenle, fedevede me nu na nwu me ahonle nu.+

Neɛnlea me nu, na nwu me adwenleadwenle!+