9 Gyihova doale zo zele Mosisi kɛ: “Menwu kɛ menli ɛhye mɔ ɛsolo.*+

13 Gyihova hɔle zo luale ye ngapezoma nee ɛnyelɛzodeɛnwunlɛma+ kɔsɔɔti anwo zo bɔle Yizilayɛma nee Dwudama kɔkɔ kɛ: “Bɛvi bɛ amumuyɛ ndenle ne mɔ azo bɛzia bɛ nzi!+ Bɛli me mɛla nee me ngyehyɛleɛ zo kɛ mɔɔ mɛla ne mɔɔ menvale memaanle bɛ nenyia mɔ nee mɔɔ memaanle me azonvolɛ ngapezoma ne vale rɛlɛle bɛ la amuala de la.” 14 Noko bɛandie, na bɛhɔle zo bɛyɛle anzosesebɛ* kɛ mɔɔ bɛ nenyia mɔ mɔɔ bɛannyia Gyihova, bɛ Nyamenle ne anu diedi yɛle ala la.+

15 Gyihova, bɛ nenyia mɔ Nyamenle ne luale ye soanvolɛma anwo zo hɔle zo bɔle bɛ kɔkɔ, ɔbɔle bɛ kɔkɔ fane dɔɔnwo, ɔluakɛ ɔ kunlu yelɛyelale ye maanle ye menli ne nee ye tɛnlabelɛ ne. 16 Noko bɛhɔle zo bɛgolole nɔhalɛ Nyamenle ne soanvolɛma ne anwo,+ na bɛambu ye edwɛkɛ ne bie+ na bɛzelele ye ngapezoma ne+ hɔkpulale kɛ Gyihova ɛya ne rale ye menli ne anwo zo+ too mɔɔ ɛnee bɛngola bɛ ayile yɛ a.

7 Noko Yizilayɛma ɛnrɛdie wɔ, ɔluakɛ bɛngulo kɛ bɛtie me.+ Yizilayɛma kɔsɔɔti anzo yɛ se yɛɛ bɛ ahonle ɛsolo.*+