-
Ditilɔnomi 28:49-51Ngɛlɛlera Nwuanzanwuanza Ewiade Fofolɛ Ngilebɛbo
-
-
49 “Gyihova bamaa maanle bie mɔɔ wɔ azɛlɛ ne anloa moamoa lɔ la ara bɛ nwo zo;+ ɔbara ndɛndɛ kɛ kɔleɛ la,+ maanle mɔɔ bɛnde bɛ aneɛ,+ 50 maanle mɔɔ anwo yɛ ɛzulolɛ na ɔnrɛbu kpanyinli anzɛɛ ɔnrɛze kakula anwunvɔne la.+ 51 Bɛbali bɛ nyɛmoa ne mɔ amra nee bɛ ɛbɔ nu aleɛ kɔkpula kɛ bɛ bo zo kɛbɔ la. Bɛnrɛgyakyi ma, nwanye fofolɛ anzɛɛ nwole, ɛnlankɛ anzɛɛ boaneralɛ bɛnrɛmaa bɛ kɔkpula kɛ bɛkɛzɛkye bɛ la.+
-
-
Gyɛlɛmaya 5:15-17Ngɛlɛlera Nwuanzanwuanza Ewiade Fofolɛ Ngilebɛbo
-
-
15 “O Yizilayɛma, melɛmaa maanle bie mɔɔ wɔ moamoa la ara bɛ nwo zo,”+ Gyihova a se a.
“Ɔle maanle mɔɔ yehyɛ.
16 Bɛ ɛda mbaka kodoku le kɛ nla mɔɔ bɛtɛkedale zolɛ la;
Bɛ muala bɛle katakyiema.
17 Bɛbali bɛ egyinli nu ninyɛne nee bɛ aleɛ.+
Bɛbahu bɛ mra mrenyia nee bɛ mra mraalɛ.
Bɛbahu bɛ mboane nee bɛ nlankɛ.
Bɛbazɛkye bɛ vanye nee bɛ feege mbaka.
Bɛbava konle dadeɛ bɛazɛkye bɛ azuamgbole mɔɔ bɛlie nwolɛ bane mɔɔ bɛfa bɛ nwo bɛto zo la.”
-
-
Gyɛlɛmaya 6:22, 23Ngɛlɛlera Nwuanzanwuanza Ewiade Fofolɛ Ngilebɛbo
-
-
22 Mɔɔ Gyihova ɛha la ɛne:
“Nea! Menli bie vi sɔlɔ azɛlɛ ne azo lɔ ɛlɛba,
Na maanle kpole bie vi azɛlɛ ne ati nehane badwazo.+
23 Bɛdedɛ ɛda nee atwɛ ezinra.*
Bɛ ti yɛ se yɛɛ bɛnrɛze anwunvɔne.
Bɛ ne bahulu kɛ nyevile,
Na bɛdede mgbɔnwɔ zo.+
Bɛboɔboa bɛ nwo bɛmaa konle kɛ katakyie mɔɔ ɔ nee wɔ baho la, O Zayɔnoma.”
-
-
Yizikeɛle 23:22, 23Ngɛlɛlera Nwuanzanwuanza Ewiade Fofolɛ Ngilebɛbo
-
-
22 “Ɛhye ati, Ɔhɔleba, mɔɔ Tumivolɛ Awulae Gyihova ɛha la ɛne: ‘Nea memaa wɔ kulovolɛma+ mɔɔ bɛ nwo vonlonle wɔ la ati ɛhwenle ɛ nwo ɛvile bɛ nwo* la ara ɛ nwo zo, na mebava bɛ meavi ɛleka biala meara ɛ nwo zo,+ 23 Babelɔnoma+ nee Kaledeama+ amuala, Pikɔdoma+ nee Hyowama nee Kowama yɛɛ Aseleama amuala. Bɛ muala bɛle mgbavolɛ mɔɔ bɛ nwo yɛ fɛ, amɛnladoma nee mgbanyima, kovolɛma nee menli mɔɔ bɛkpa nu bɛye bɛ,* mɔɔ bɛ muala bɛdede mgbɔnwɔ zo la.
-