5 “Ɛbava esamo motoo wɔado paano mɔɔ bɛbɔ ye kɛ ngɛba la 12. Ɔwɔ kɛ ɛfa esamo yifa* ngyɛnu bulu anu nwiɔ ɛto paano ko biala. 6 Ɛbagua bɛ ekpunli nwiɔ, ekpunli ko biala ɛdeɛ nsia,+ wɔ nvutuke tagyee ɛkponle ne mɔɔ gyi Gyihova anyunlu la azo.+ 7 Ɛbava ɛyɛlɛvuanlɛ kpalɛ wɔagua ekpunli ko biala azo, na ɔbayɛ ngakyelɛ afɔlebɔlɛ* paano,+ afɔle mɔɔ bɛva senle bɛbɔ bɛmaa Gyihova la. 8 Ɛnwomenlelielɛ kenle biala, ɔwɔ kɛ ɔfa ɔgua Gyihova anyunlu ɛkɛ dahuu.+ Ɔle ngyekyeleɛ mɔɔ wɔ ɛkɛ ne dahuu mɔɔ me nee Yizilayɛma ɛyɛ a. 9 Ɔbayɛ Aalɔn nee ɔ mra mrenyia ne mɔ ɛdeɛ,+ na bɛbali ye wɔ ɛleka mɔɔ le nwuanzanwuanza la,+ ɔluakɛ ɔle afɔle mɔɔ bɛva senle bɛbɔ bɛmaa Gyihova la anu debie nwuanzanwuanza kpalɛ ɔmaa ye, ɔle mɛla mɔɔ wɔ ɛkɛ ne dahuu.”