3 Ɔziale ɔhɔle nyianusua bie anu bieko, na ɛnee nrenyia bie mɔɔ ɔ sa ɛdwe la wɔ ɛkɛ.+ 2 Yemɔti ɛnee bɛlɛnea ye koonwu saa ɔkɛyɛ ye ayile wɔ Ɛnwomenlelielɛ kenle ne a, amaa bɛabɔ ye somolɛ. 3 Ɔzele nrenyia ne mɔɔ asa ɛdwe la kɛ: “Dwazo bagyinla avinli ɛke.” 4 Akee ɔbizale bɛ kɛ: “Asoo mɛla maa adenle kɛ yɛkɛyɛ kpalɛ anzɛɛ yɛkɛyɛ ɛtane wɔ Ɛnwomenlelielɛ kenle ne, yɛkɛlie ngoane* anzɛɛ yɛkɛhu awie?”+ Noko bɛyɛle koonwu. 5 Mekɛ mɔɔ ɔvale ɛya ɔnleanle bɛ ɔyiale, na ɔlile bɛ ahonle ɛsesebɛ ne anwo nyane la,+ ɔzele nrenyia ne kɛ: “Tenrɛ ɛ sa nu.” Na ɔdenrɛle nu, na ɔ sa ne yɛle kpalɛ bieko. 6 Na Falasiima ne vindele na ndɛndɛ ne ala bɛ nee Hɛlɔdo eku ne anu amra+ hɔvale ɔ nwo adwenle kɛ bɛku ye.

6 Ɛnwomenlelielɛ kenle bieko+ ɔhɔle nyianusua ne anu na ɔbɔle ɔ bo ɔhilehilele. Ɛnee nrenyia bie mɔɔ ɔ sa fema ne ɛdwe la wɔ ɛkɛ.+ 7 Ɛnee mɛla kilehilevolɛma nee Falasiima ne mɔ ɛlɛnea Gyisɛse koonwu saa ɔbayɛ ye ayile wɔ Ɛnwomenlelielɛ kenle ne a, amaa bɛanyia debie bɛagyinla zo bɛabɔ ye somolɛ. 8 Noko ɔnwunle mɔɔ ɛnee bɛlɛsuzu nwolɛ la,+ yemɔti ɔzele nrenyia ne mɔɔ asa ɛdwe la kɛ: “Dwazo bagyinla avinli ɛke.” Na ɔdwazole ɔragyinlanle ɛkɛ. 9 Akee Gyisɛse zele bɛ kɛ: “Mebiza bɛ edwɛkɛ ko, Asoo mɛla maa adenle kɛ yɛkɛyɛ kpalɛ anzɛɛ yɛkɛyɛ ɛtane wɔ Ɛnwomenlelielɛ kenle ne, yɛkɛlie ngoane* anzɛɛ yɛkɛzɛkye ye?”+ 10 Mɔɔ ɔnleanle bɛ muala ɔyiale la, ɔzele nrenyia ne kɛ: “Tenrɛ ɛ sa nu.” Na ɔdenrɛle nu, na ɔ sa ne yɛle kpalɛ bieko. 11 Noko bɛvale ɛya kpole na bɛbɔle ɔ bo bɛzuzule mɔɔ bɛbava bɛayɛ Gyisɛse la anwo.